ساعة مع رسالة

وجدت ورقة مطوية على طاولة شغرت حالا في مقهى مزدحم نفضتها بدافع الفضول والملل لأني كنت وحيدة وقررت أن أدلل نفسي بكوب من الشكولاته الساخن والميزان والمجتمع يضربوا رأسهم في .... أو يدوروا وشهم الناحية الثانية
!!!!!
كانت الورقة رسالة مطوية دون مغلف مكتوب على أحد جوانبها "منها إليه" لم تحمل في داخلها البداية المعتادة بل "القشة الأخيرة" عنوان في منتصف الصفحة
سأنقل لكم الرسالة بدل وصفها لعله يكون أكثر إمتاعا وأمانة
قفشة صغيرة كانت القشة الأخيرة وضعت نهاية لعلاقة؟ لصداقة؟ لاحتياج؟ لانجذاب؟ لا أعرف ما أقول فأنا لا أعرف كيف تصفنا أو تفكر بنا معا... وبما أنها نهاية لن يشغلنا ما كنا عليه فتعاملنا اتخذ اتجاهات غير المنوية له
not intended directions .
سعيدة أن ساعدتك لتجاوز محنتك ولكني الآن سأضع نهاية لحكاية لا تعجبني مفضلة الاحتفاظ بصورة مشرقة لانجذابنا وانسجامنا قبل أن يحوله صراعك مع ذاتك بين أولوياتك إلى شيء صدئ وكما تكرر دائما أنا عظمة كبيرة مش حمل بهدلة أو تريقه أو وقفة في طوابير المعجبات..... أتركك سعيدا مشرقا ومستقرا.
ولو في يوم غلبني شوقي وضعفي أبقى خليك جنتل وطمني عليك

تقدر تكلمني لو تحب ولازم تكلمني في عيد الفطر وعيد الأضحى ورأس السنة الميلادية والهجرية والصينية وعيد الأم وذكرى ميلادك وميلادي وأي وقت تحس أنك مخنوق ومتضايق فأنا يسعدني أني عظمة صلبة تسند نفسك عليها يا إنسان

!!!!!
يا ترى إيه كان أصل الحكاية وكانت حلوة ولا ملتوتة في النهاية؟؟ هل وصله الخطاب؟؟ أم أنها تركته وراءها ليجده في مكانهم ولم يأت هو في الميعاد؟؟
هل هي رومانسية دقة قديمة ساب الخطاب وجري عليها ولا هو فعلا مستهتر ولم يبالي بعرض الرسالة لألف عين؟؟ كثيرة هي الأسئلة التي تبقى في الحياة دون جواب!!! طب ليه؟!

هل تجاهل الرسالة وقرر أن يكمل من حيث يقف وستعود لتسحب الرسالة ولكنه لم يحسب حساب الحداية اللي نطت في وسط الحكاية ولقطت الرسالة وعملت فيها مقالة؟؟
هل أترك الرسالة ورائي؟؟ قد يظن أحد أني مرسلتها!! ومين ده يا بابا اللي يقدر يزوغ مني أو يقاومني!! ثم مش أسلوبي رسالة أنا أبعت اثنين حلوين من اللي بيطلعوا خلف المهمين ولابسين نظارات سودا حتى لو الموضة بني يوضبوه...طب فرضا هو لسه بدري على معاده وأحسن أترك الرسالة!! كيف أترك مشاعر إنسانة عارية مرمية في مقهى!!! لله الأمر طلبت واحد هوت شوكلت ثاني عشان اعرف اخذ قرار ممكن حد يساعدني؟؟

ساعة عيد

في البداية طبعا كل عام وأنتم بخير وبعودة عليكم أيام فيها نفحات من الله والطاعات فيها مأجورة قبل وقفة عرفات والتكبير خلال أيام التشريق
وبالتأكيد أنا مش بكتب بوست عشان أقول فيه أي كلام معقول لكن لا بد من مقدمة تليق بكم زواري الكرام
أول ما شفت الخروف ده والنصيحة الذهبية التي يرسلها لنا افتكرت الأفلام الهندية خصوصا ووصية الميت وكيف أنها تنضح نضجا وحكمة ولا يجوز اهمالها بأي حال
وأنتو عارفين أن ده عيد الأضاحي ولا ينجو من الذبح ألا الخروف اللي كاتب في البطاقة أنه قطة(عارفة ان النكتة مش قطة)يعني الغلبان مدبوح مدبوح وهناكل الفتة بإذن الله وبالهنا والشفا علينا جميعا ويبارك في مراراتنا اللي مش عارفة تستحمل إيه ولا إيه
المهم خليكوا فاكرين إن دي وصية ميت تنضح بالحكمة لا يجوز تجاهلها يوصيكم بزيارة الأرحام واكتساب الحسنات
كل عام وأنتم بخير تقبل الله طاعتكم وجمعنا العام القادم بإذن الله على عرفات
ويقدرنا ربنا يا خروف نكون زيك قد أدينا دورنا الذي خلقنا لأجله في الحياة

ساعة مع رئيسك

تحمل هذه الصورة تمثيل واقعي وإن لم يكن صريح لرئيسك في العمل
تأملها قليلا قبل قراءة التعليمات أعني التعليقات
يأتي دائما تحفه هالة من الطيبة والبياض
لكن عليك بالحذر فهذا البياض يخفي قاعدة سوداء ظهرت نتيجة قهره سنوات طويلة وتملقه لطابور طويل حتى يصبح رئيسك قهرة طويلا فأصيح حقودا
لم ننتهي بعد هناك المزيد
ككل كائن هناك بعض الأجزاء ما زالت خضراء تنبض بالحياة وإن كانت عنياه فهي ليست مصادفة فذلك كي يستطيع رؤية مزايا الآخرين قبل الانطلاق لها
ولكن هذه النقاط متصلة بأجزاء برتقالية تحجرت وفي طريقها للاشتعال فاحذرها
أما باقي وجهه أجزاء بلا لون يمكن لأي كان أن يضع عليها ريشته مثل المنافق والموظف المجتهد
ومركز شخصيته منقار صلب يصل لغايته بصلابة ودون رحمة
أرجو ألا تكون قد ابتأست من تحليلي وظننت أن علاقتك بالإدارة مظلمة أو محكومة بالفشل مهما اجتهدت!!! إن فعلت فعلي إصلاح خطئي ومساعدتك لتكون أكثر إشراقا في ساعة السكينة هذه
انظر للأمر من زاوية أوسع لترى أنه مجرد طائر مهما أطال الوقوف فأنه في لحظة ما لا بد أنه طائر
هيروح فين ملناش دعوى المهم يغور من عندنا وفي هذا تأييد لساعة تفاؤل بأن النهايات تكون دائما سعيدة وأن حسبنا الله ونعم الوكيل سلاح من لا واسطة له في عالم العمل
تحديييييييييييييييييييييييييث

اعزائي إليكم ما هو آتي: بارك الله لكم والعاقبة لكم في المسرات إن شاء الله

مش عارفة رغم قلة المعلقين لكن يبدو أن كل من ألقى نظرة جاد علي بدعوة

والله الكريم الحميد استجاب فرئيسي طار

:))))))))))

والله بجد طار بعدما يئسنا من كشه

يا رب يسعده ويبعده احنا ما نتمنى إلا كل خير للحلوين والوحشين

لولي لولي لولي

ساعة تفاؤل

احترت أسميها ساعة حلوة ولا ساعة تفاؤل
ممكن تقرروا بعد القراءة إن كانت حلوة أو متفائلة
هل تؤمنون بالنهايات السعيدة؟؟؟
سألتني عزيزتي هذا السؤال وبمنتهى الصراحة مع انتشار كل الأمراض الاجتماعية بيننا..... ونشرات الأخبار أمامنا.... وتوالي الصدمات على رؤوسنا ..... ما زلت أومن بالنهايات السعيدة
!!!!!!!!
أنا مندهشة من نفسي أكثر من أي حد وقبل أن تهاجموني دعوني أقدم عرائض الدفاع فلن تكونوا أرحم من عزيزتي صاحبة السؤال
أقر بإيماني بالنهايات السعيدة بسبب أسأل الله أن يقيض روحي وينهي وجودي البشري البائس قبل أن أخسره وهو إيماني بكرم الله ورحمته... أليس هو الكريم؟؟
إذن بعد كمية من الاحباطات والصائب والرزايا لا بد من رشة عطاء وهبات تنسجم وكرمه
بعيدا عن حياتنا الشخصية وأخبارنا العربية السياسية والاجتماعية انظر من بعيد... قد تحتاج أن تأخذ أيضا خطوة أبعد لغاية تاريخ البشرية ولو صدق أهل التاريخ من العصر الحجري إلى العصر الحديدي أليس انتهاء زمن الرؤوس الحجرية للحراب بداية لصناعة الرؤوس الحديدية والتي هي أفضل!!!!!كما أن صناعتها ساهمت في تشغيل عدد أكبر من الناس يعني ساهمت في حل مشكلة البطالة الموجودة في العصر الحجري
نهاية الأمراض الانتصار عليها بالدواء في المرحلة الأولى......... وحتى الموت يعتبر انتصارا عليها فعندما أموت ينتهي مرضي فما من مرعى له بعدي
لو بقيت أسرد الأمثلة والأدلة على أن النهايات دائما سعيدة لفاض الفضاء بكلماتي وشعرت بالملل مني
ماذا عن التعاسة؟؟ التعاسة الحقيقية أننا نجهل ما هي السعادة الحقيقية ومتى تأتي
أعزائي انتظروا غدا فهو يوم جديد ... أحلام جديدة .... صفحات رحمة وعطاء من رب كريم لا نعرف ما تحمل معها
!!!؟؟؟؟؟
لا تتفاءل أبداااااااا...... فقط..... لا تعبس في وجه يوم جديد عله يكون يوم سعيد
ولله حكمة من قال لا تقل عن أحد أنه سعيد حتى يموت !!!!تذكروا أن ربكم كريم والنهايات دائما في رحابه سعيدة وحتى نحن معشر المكتئبين لنا ساعات نشرق فيها ونتفاءل ولا أنت لك رأي ثاني؟؟؟؟؟

ساعة معايدة

أتمنى أن تجدوا السكينة والفرح دائما واقفا ببابكم

وأتمنى أن تجلب لكم ولي الأيام القادمة أفضل ما في الحياة

وتقبل الله طاعتكم

مش قادرة احوش نفسي :) استحملوني يا ترى هو إيه أفضل ما في الحياة؟؟

ساعة كدح

أعزائي المدونين والزائرين

أشكر كل من سأل علي وعبرني وقالي أنت فين

انا يا جماعة هنا... أكدح في الحياة وزي ما أنتو شايفين أكل العيش صعب والدنيا آخر نشفان والمضطر يركب الصعب

إإإيييييييييييه أقول إيه أنا ولا إيه خليها على الله

ممكن يخطر في بال أي حد أنا مين فيهم البيضا ولا السمرا والا الدلوعة الي على الجنب...عن نفسي مش شايفة فرق بينهم كلهم متلحوسين وكادحين في الحياة

كل سنة وأنتو طيبين ورمضان كريم علينا أجمعين ودعواتكم محدش يفكر يهز الشجرة أحسن الحدوتة مش طالبة

مع العشر الأواخر أجد ريحة الكحك والغرييية وترن في أذني حواديت زمان وشوق زمان...... للفرح...... ولبكرة لما نكبر

ساعة سعادة

قلبي سعيد وبيحب جديد يا ريتني عقشت عمن أول
كلمات الأغنية تعكس نفسيتي ونتيجة سعي وراء ديل الديب
الحمد لله مسكت رجله كمان مش ديله بس
الديب طبعا هو الفرح حاسة انه هارب مني على طول وأنا مش طالبة أكثر من حتة صغننة من ديله وأفتكر ديله لأنه آخر ما يظهر منه بعد انصرافه فيعني لو انصرف الفرح ألحق منه لو ديله
رحت قابلت حبي الدائم وارتميت في حضنه وعيطت وبكيت واشتكيت ......حضنه دافي وواسع...ومش مشكلة أنه مالح

رميت حاجات مش لازمة .....ومسحت ساعات مش مهمة.... وخدت قرارات.....ورجعت فرحانة
الفرح يعني قرب البحر جنب الموج ولو ساعة
الحمد لله قعدت وسهرت شفت الغروب وحضرت الشروق وضحكت من قلبي بعلو صوتي ها ها ها
رائع اكتشافي اني لسه قادرة أضحك ها ها ها وكل الموجة ما تشوطني أضحك أعلى واسمع البحر بيقولي اطلعي بره ..... امشي بعيد..... مهو أصله من حقه كحبيب يسوق دلاله علي.... وعلى قد حبي له دلاله أحلى من العسل
الناس اللي قالت ضرب الحبيب زي أكل الزبيب صادقة كل سكة موجة كانت بتاخد مني كآبة ساعاااااات
جربوا السهر على رملة البحر وانسوا امر الكابوريات له طعم بالليل غير بالنهار وغير القعدة وسط الدوشة والنور واللب والشيشة....انت وحبيبك بس...... يبعتلك كل شوية موجة تفوقك ويا دوبك قبل ما تحس تلاقي الساعة بعد منتصف الليل والناس فاكرة انك تهت
فارقت حبيبي بعد ما جبت حتة من ديله جوايا تنير لي ساعاتي وأفكاري حتى يأذن الله لنا بلقاء آخر أرجو أن يكون قريب فأنا كأي عاشق أتصف بالحمق وبحب البحر في الشتاء أكثر من الصيف وبنزل المية في غياب العقلاءشكرا على دعواتكم يا حلوين

واللي جمعني بحبيبي يجمع كل المحبين قادر وكريم

ساعة عزيمة

رايح أجيب الديب من ديله وإن مقدرتش أجيبه هسيبه وأرجع أقول ما لقيتلوش ديل

ترم ترم ترم

وطبعا غياب الديل يجعل مهمة جلب أي ذئب أكثر صعوبة ....ساعتها ستضطر أنك تشده من شعره أو تشد شعرك أنت

باختصار غياب بعض التفاصيل يجعل الأمور أصعب تماما كما أن الإغراق في التفاصيل مضيعة للوقت والجهد

لكن فرحتك بجلبك للذئب قد ينسيك معاناتك في اصطياده وقد تكتشف في لحظة ما رغم وجود ذيله أنك غير راغب فيه

ساعات أرى ان ذيله كافيا لي فأنا في الحقيقة انسانة غير طموحة في كثير من المجالات

المهم ما علينا من التفاصيل كما أسلفت واللي مستلف مني حاجة يرجعها يا جماعة يا إما هتحسب عليه يوم القيامة إني تصدقت عليه

بصراحة وأمانة يا جماعة تفتكروا إيه الذئب الذي أسعى إليه ويبعدني عنكم بعض الوقت

ساعة ما أرجع وهذا قريبا جدا إن شاء الله متروحوش بعيد سأقول لكم بالتفصيل الملل خطوات سعيي ونصيبي منه

دعواتكم في هذه اللحظة أشعر بالطمع في الكثير منه

ساعة أمل

الصور تأسرني بطريقة لم أعهدها في نفسي من قبل احتمال تكون تغيرات السن محدش يضحك ولا يهز دماغه واحتمال تطور تقنيات التصوير
مع الصورة تعليق يقول لقطة تجمع الحب والصداقة........ احتمال الكلمات هي ما شغلتني أكثر من الصورة وربما اجتماعهما
صديق يتعلق من عرقوبه كي يسمح لصديقه تقديم وردة لمحبوب والوردة لدى السنجاب ليست طعام فالموضوع حالة حب أو والعياذ بالله رشوة
كم نجد مثل هذه الفكرة والمحاولة في حياتنا؟؟ هل ساعدت عاشقا؟ هل تعاطفت مع قلب كسير؟؟
نحن قساة في الغالب ونقول اسعى في جنازة ولا تسعى في جوازة مع أن الجنازة نهاية لا تحتاج لمساعدة بينما الجوازة بداية تحتاج المساندة
الصورة فكرتني بالأية الكريمة" إن يريدا إصلاحا يوفق الله بينهما" في الحديث عن حكمين من أهلهما وافتكرت سيدنا عمر رضي الله عنه لما ضرب الحكمين لسوء نيتهم فلو أردا إصلاحا لوفق الله بينهما ......إيه أيام ما كان هناك ثوابت في الفكر والعقيدة ولم تكن الدنيا ترقص وتتراقص والمبادئ نسبية.....إيه أيام رفاعة الطهطاوي وقاسم أمين وطه حسين
يا رب استخدمنا لوصل القلوب واجعلنا سببا في سعادة البعض.... يا ريت حد يشاركنا في محاولاته وسعيه في سياسة الوفاق

ساعات شات

سلام ؟ ايه الي مسهرك لغاية دلوقتي؟؟ مش عاويدك يعني!!

صرصار:( كنت نايمة وصحيت لقيت صرصار في الأودة مش قادرة ادخلها ثاني
اطلبي مساعدة
كله نايم........ بدعي ماما تعطش أو تروح الحمام
أما صرصار وقح بصحيح ازاي يدخل على البنات وهم نايمين كده من غير احم ولا دستور
صدقيني كنت في سابع نومة معرفش ازي فتحت عيني لقيته بيبرقلي
بيبرقلك؟؟!! هو فيه سابق معرفة معرفش عنها
أنت عارفة كل أسراري منين يا حسرة

لمس عليك بشواربه قلق نومك أو كان سرحان في جمالك بيفكر في الأميرة النائمة وازي الأمير صحاها في حكايات المكتبة الخضراء
يا حسرة منين يا قلبي أكيد أنا آخر اهتماماته، أنت سهرانة ليه
لا أنا ده الطبيعي بتاعي مش عايزة أنام وأصحى ثاني دوشة من غير لازمة واغسل وشك وسنانك وسرح كديشك قصدي شعرك وأقرأ ورد الصباح ما انا لسه قارية ورد المساء
مش عارفة اعمل ايه
لو خايفة بجد صحي طنط عادي أكيد هي متعودة على عمايلك السودا
تفتكري اصحيها ولا استناها تصحى من نفسها
مفيش داعي تضيعي وقتك وراك شغل بعد شوية روحي صحيها عشان تلحقي تنامي شوية
إلا لو حبيت تغيري شوية من أسلوبك في الحياة وبدل السلبية تهاجمي الصرصار بنفسك صدقيني هتحسي ببهجة الانتصار
أنت عارفة أني على طول بفكر أبقى شجاعة بس مش بالساهل مش هقولك على الرعب اللي شلني أول ما فتحت عنيا لقيته بيبصلي
سمي باسم الله واشربي حبة مية يا بنتي ده حتة صرصار لا راح ولا جه أي نعم مقرف لكن ضعيف
عموما أنا قرأت عليه أعوذ بكلمات الله التامة من شر ما خلق
بجد طب هو كده غار من العمارة كلها قومي يا بنتي نامي
تفتكري كده
أكيد فضل الدعاء لا يستهان به ثم احنا في الثلث الأخير من الليل يعني ربك ينادي أصحاب الحاجة في السماء الدنيا وان شاء الله هينصرك على الصرصار
طب وانت سهرانة لغاية امتى
مش كثير خلاص انا كمان هنام مش ناوية نتقابل
أنت وحشاني ولازم نفضي نفسنا ساعة
واحتمال نقابل حد أمور
مش عايزة أحبطك لكن حظنا في الناحية دي معروف
أنا بهرج وأنتي عارفة رأيي في الحكاية دي هم حاجات ميجيش من وراها حاجة تسر البال غير القلق والنكد
زي الصراصير؟؟
لا الحقيقة أكثر شوية الصراصر مخلوقات مسالمة وممكن تموتيه دون أي شعور بالذنب
الصرصاااااار ........ ماااااااااااات
مات ازاي؟؟ مات امتى؟؟ وفين وازي!!!! يعني هو كان عيان وبيستغيث وانت هربتي من نجدة محتاج
فاتك الأجر يا بنية
محمد موته

:)
محمد مين يا بت انتي
ابن اختي بايت عندنا صحيته يخلص الموضوع
نفسي أغير شغلي
عايزة اتجوز
على كده أنا عايزة أخلف
اسكتي مش ليلى علوي تجوزت هي 44 والعريس 60
بجد هي عزمتك
لا معملتش فرح بس أنا قرأت الخبر
يا خبر لازم نروح نبارك ونهني روحي نامي عشان تصحي على شغلك
مليونير مقيم في بلجيكا
عموما بلجيكا مصدر الماس الصناعي في العالم
أنت متشائمة متفوليش في وش الجوازة
يا بنتي لا وشها ولا بطنها ما لناش دعوى كفاية ربنا استجاب وخلصنا من الصرصار الليلة دي نحمده ونشكر فضله لا ينسانا أبدا من النعم مهما كانت قليلة فبعض الندى يرطب القلوب
الحمد لله تصبحي على خير
وانت من اهله
ملحوظة فلحوسة: شات مع انتيمتي ربنا يكرمها ويبارك فيها دعواتكم يا جماعة ولكم مثل ما قلتم بعد ما مشيت بصيت لقيت الحوار محبوك ومضحك زي اثنين مساطيل وقلت وما له أفك عنكم شوية....... ونزهزه اللون

ساعة حمد

الحمد لله ربنا هداني ولم أستسلم لموجة الاكتئاب واليأس الماضية فانتحر
ربنا كريم لقيت حد بيحبني...... ويموت فيا......... وشايف أني قمر
أي نعم هو لم يتجاوز الثالثة لكن الأمر مفرح لأكثر من سبب
ربنا كريم... والصغير مع قليل من الصبر يكبر ومن شب على شيء شاب عليه... فلن أخشى أن تتغير مشاعره مع الأيام فيكون ساعة حنون وساعة مجنون
ربنا كريم وقادر كما ألقى محبتي في قلب هذا الصغير أن يرزعها ويزرعها في قلب أكبر قليلا وإن كان أقل خصوبة وأكثر ازدحما
علينا تقدير الإيجابيات...... واعتبار محبة الصغير بشرى بأن لا شيء مستحيل..... والصبر طيب لكن بني آدم جهول وعجول..... عجول هنا تعني متسرع وقد تكون مؤشر لطريقة تفكير فاشلة عندما تستخدم الكلمة في صيغة الجمع
حلم الجعان عيش ولن يتأمر ويتبطر إن كان رغيف كامل أو فتافيت أو أسمر أو حتى عيش سن.... المهم نلاقي حد مبتسم في وشنا متهللا لمجيئنا
ولنكن واقعيين فنساعد أنفسنا قليلا للحصول على الحب
شكولاته ينفع ..... لبان ما يضرش...... فتح عينك مش تاكل ملبن بل ممكن تلاقي حد يحبك
النقطة العويصة في الموضوع أن ابن الثالثة طلباته واضحة الدور بقى على الأكبر
لا أعرف إن كان يحب الشكولاته ولا اللبان
قد يقول البعض أنه حب غير حقيقي ولا عاقل فأدافع عن حبي فأقول أني أفضل القليل المتصل على الكثير المنقطع....كما لا حاجة للعقل من أساسه الذي يتحايل على شرع الله فيحل حراما( دون تفصيل) ويحرم حلالا

أديني أفضت عليكم من خبراتي اختار وأعد أدواتك يا شوكلاته يا لبان

ربنا كريم والحمد لله

تاااااااج عليه دية

انت مين ؟؟

واحدة غلبانة لكن مخرمشة

مين أكثر ست اشخاص بتحبهم؟؟

أنتم متفائلون إني بحب حد من أساسه ضحكتوني هههههههه
عموما أنا بحب أي عيل في السكة، وكل متفائل في الحياة، وكل مثابر، أي حد يعرف يضحك ويضحك الناس،
هل أنت سعيد؟؟
هجاوب بس أعرف الأول سعيد يعني إيه!!.... آآآآه بجد هي معناها كده مكنتش أعرف قبل النهاردة
مممم
لا ......أنا غير سعيد.... ليه؟؟ أصل... ممم ....أصل ممم
أنا مؤنث وبالتالي سعيدة الحمد لله بنسبة 80 في المية رضا وكل ما ساعاتي بتمر مش هتصدقوا لكن والله أني أزداد سعادة ورضا
لو اجتمعت مع حسني مبارك في مكان واحد هتعمل إيه؟؟
هأعمل نفسي مش عارفاه ههههه ما أنتو عارفين بقى الثقل صنعة بحاول اتعلمها وفرصة أطبق
لو معايا مليون ونص أعمل بيهم إيه؟؟؟

عدم المؤاخذة في السؤال بأي عملة أصل نوع العملة يفرق في قوتها وفاعليتها وعشان رياح التفاؤل نخليها من أغلى العملات اليومين دول وأقول أنفذ حلم حياتي وأعمل ملجأ للأيتام ومنجرة لأني بحب الخشب جدا منها صنعة في إيد العيال ومنها تصرف على الدار بعد ما أموت والمليون يخلص.
بتحب مصر؟؟

فوق ما تتخيلوا ونفسي هيا كمان تحبني .. ثم يعني حب الأوطان من الإيمان
هل أنت مسلم؟؟

الحقيقة هي دي أحلى حاجة في حياتي الحمد لله على نعمة الإسلام ونعمة الهداية للدين عموما
ليه؟؟
محدش قالكوا قبل كده إن كلمة ليه مش لاقية جواب!!
في البداية عشان طلعت لقيت أهلي مسلمين لكن لما فهمت حتة حبيت ربنا ورحمته وأكثر ما أحس هذه الرحمة في دعوته لنا لندعوه ليستجيب لنابحبه لعظمته فأمره كن فيكون ولولا حبة الدين اللي كرمني بيهم ربنا كان زماني في حتة من اثنين يا العباسية يا بيت خالتي

مين أكثر شخصية متقدرش تستغني عنها؟؟؟

طب وليه الاحراج ده يا جدعان؟؟ المفروض يعني أننا صحاب.... أي حد أحبه مقدرش استغني عنه

إيه أكثر موقف محرج؟؟
سألتني واحدة يوم فرح أختي شكلك كده فرحانة يا ترى الفرحة دي بجد؟؟؟ قلت طبعا وليه لاء!!! معقولة فرحانة أختك الصغيرة بتتجوز قبلك؟؟ قلت عادي- أساسا الموضوع مكانش فدماغي في تلك الحقبة الزمنية- أصرت بغلاسة نادرة طب ليه اختاروا اختك مش أنت؟؟؟ طب دي يترد عليها ازاي؟؟ بصراحة لما بغضب ببقى وحشة جدا .... واختصارا لمرار ثلاث شهور من التعامل الإلزامي مع الشخصية الغلسة دي قررت تزورنا وابنها كماننا اللي كان بيدرس طب في ألمانيا عدت أول زيارة على مضض طبعا تحت ضغط كل مصادر السلطة في العائلة الكريمة قابلته ثاني مع والدته ووالدتي وقال اتكلموا مع بعض... لقيت الواد مزورق يا حبة عيني والدمعة هتفر من عينه مالك يا أخي- على اعتبار المسلم أخو المسلم- قالي مش عارف الارتباط في الوقت ده هيعطل خططي ومش عارف لو كنت هقدر التزم بالموعد وكنت عايز اشتغل شوية بس ماما مش موافقة وعايزة اول ما اخلص ارجع على طول....... دكتور ومغصوب يا جدعان طب أنا اعمل إيه دلوقتي مش كفاية عليا عمايل أمي استحمل كمان عمايل أمه... ما علينا قلت بصراحة بعض الأمور محددة بوقت مثل دراستك ولو نفسك تشتغل في الغربة شوية تكوم نفسك برضو هيكون أسهل لو انت مش مرتبط والجواز مش هيطير فخليك مركز في المهم...هب هب هب لقيت اللي بتصرخ وبتقولي حسبي الله فيك ونعم الوكيل طبعا والدته... مش هقولكم على منظري ومنظر والدتي في بيتنا الست بتدعي عليا يخرب بيتك أنا جبته عشان تقنعيه يرجع مش تقولي خد فرصتك ثم أنت مالك بحياة أبني هنا كان يا جدعان لا بد من وقفة قلت انت مش شايفة انك تجاوزت حدودك بتدعي عليا في بيتنا الحقيقة كان موقف زبالة الزبالة اهلي اتريقوا عليه بتاع خمس سنين قال إيه بقوم الواد على أمه... كانت ساعات وأيام غبرة إيه يا جدعان محدش بيعنس كده بالساهل

الامنية اللى اتمنا تحقيقها ؟؟

الحقيقة فيه أكثر من أمنية لكن الثابتة بينهم دائما أن لا أمرض وأموت بصحتي على طاعة مش عارفة هأموت ازاي بصحتي!!! محدش يسألني لكن دعواتكم

التاج باه يتمرر لمين؟؟؟؟
التاجات فيها معلومات شخصية واحتراما لخصوصية أخواني البلوجرية مش هأدبس حد لكن سأطلب من كل لطيف وأمورة بيشروفني بزيارة أنهم يجاوبوا عليه ويدونا ألو عشان نتعرف عليهم أكثر ويرحموا فضولنا .
ملحوظة: اتبسطت يا ما علينا اديني جاوبت قال دية قال وإيه كاش كمان...

ساعة هرتلة

ولأن البشرية عمالة تستغيث وتستجير من اكتئابي وبسبب تأخر الإذن حاولت تسلية نفسي والخروج من بئر الاكتئاب وإليكم ما كان

............

وجدت سؤال على موقع ما هل تعرف برجك الصيني؟ والإجابة طبعا لا وفكرت باكتئابية وضبابية لربما كان السر في الصين

والصينين في أيامنا هذه يكتسحون الحياة بما فيها فوانيس رمضان وحد ابن حلال كان قالي ناوين يغرقوا السوق عرايس صيني

فكرت أن لا بأس أشوف بختي الصيني ولأن ما قرأته أضحكني أحببت أن أشارككم بسمتي ويلا نغير جو

على فكرة حاجات كثيرة من اللي قالوها كانت صح فقلت اتركها واشير لها كمحاولة مني لتقديم بعض المعلومات التي تطلبها التاجات من شجرة الدر ومن ما علينا لعلهم يهتدون إلى من تحمل السكينة بجر السين اليومين دول فقط
من الأول كده برجي الأفعى
محدش يضحك دا انا حمدت ربنا اني مطلعتش خنزير مثلا
أما شخصية الحية يا اعزائي
الحية لطالما رمزت إلى غواية الإنسان. في الحقيقة هي مولودة بجاذبية وشعبية فطرية لأبعد الحدود. أن تكون مركز الاهتمام والتقدير هو أقل ما يمكن أن تنتظره. وبالرغم من ذلك فهي شخصية هادئة وقليلة الكلام. وتمتاز بالأخلاق العالية. لا يمكن أن يثنيها شيء عن عزمها إذا قررت المضي بأمر ما، وتصارع من أجله حتى النهاية. كثير من الأشخاص يقعون في حبها، وقد يكون ذلك دون أمل أو بشكل سري

تعتمد الحيات في حكمها على الانطباع الأول؛ لأن لديهم حاسة سادسة قوية
نقاط القوّة
الحية موهوبة، ذكية، منظمة، رومانسية، ساحرة، ّذات إرادة عقلية فذة. تحب المال ومتع الحياة. مفكرة, فيلسوفة، شخصية معروفة، ولا تهدر الوقت فيما لا يجدي.
نقاط الضّعف

أنتو عارفين طبعا ومتأكدين أن معنديش نقاط ضعف أنا أساسا كل حديد وقوة
الحية غامضة , لا تنسى الإساءة، وتنتظر سنوات حتى يحين موعد الانتقام. صعبة المراس، قلقة، تكره الخسارة، ولا تصغي لنصائح الغير


أثناء بحثي عن صورة للموضوع افتكرت فجأة حبي وأنا صغيرة للثعابين في أي جنينة حيوانات وخواتي يقرفوا مني ومحدش يقف معايا وأنا اتفرج عليها يكلموا اللفة ويرجعوا وأنا واقفة مبهورة أمام صندوقها الزجاجي.... احتمال الصينين يعرفوا عني حاجات كانت غايبة عني في الأساس أفعى اللهم احفظنا

أفعى دي كانت شتيمة على زماني ولكنها بالصيني شخصية

فعلا يا جماعة اللي معندوش أمل عند العرب عليه بالصينين
J
حلوة الحدوتة ولا ملتوتة

في انتظار الاذن

لا يجوز نكش المكتئبين حراااام مساكين... وممكن نشوف أي كبير ومهم يفتيها يعني مش حكاية
بعد فشل محاولات انعاش المكتئب تقدم الموقع أدناه وأعلاه وفي خلقة جميع من صبحه ومساه بطلب بكاء رسمي للمرصد الجوي وما زال في انتظار الإذن
وفي حال السماح ستنهمر الدموع أنهارا وتلحق الضرر بكيانات واعتبارات أشرارا وأخيارا ....وتبقى المخدة بلا شك الكيان الأكثر تضررا بلا جدال وفي كل الأحوال تحتاج المخدة بعد كل اعصار لزمن كي تجف
الدموع المنهمرة ستغرق النجاح والفشل ففي الأعاصير تتساوى الأمور
يؤدي انهمار الدموع لتعطل معظم الوصلات الكهربائية والمجاملات الاجتماعية والمتع الملونة والعادية
ونتيجة لكثرة شكاوى المتضررين لشركات التأمين تحاول الأخيرة الضغط على مصادر القرار كي تمنع الإنهمار وأثناء الانتظار يسود المنطقة حالة من الاكفهرار من غائم إلى غائم جزئيا
وعلى فكرة من زمان وأنا نفسي أبقى مذيعة نشرة جوية
وعيشني ثواني وياك من ثاني .....اكتئابي حبيبي واحشني مووت

ملحوظة: محاولة للمقاومة لتأخر الإذن حاولنا تعلم فن السرور

ساعة تدريس 1

مش أنت مدرسة علميني
!!!
أي نعم مدرسة لكن ناوية اعتزل
وغاوية وناوية أمتهن حاجة فيها مزيد من التدليس
من فضلك ممكن أكون آخر تلميذ في الفصل عندك
وعشان مش بحب الزن والزانين إلا نادرا وفي بعض المواضيع المحددة أجبت
استعد للدرس الأول وبطل زن
أمسك الورقة بشكل مقلوب ونظر فيها
الهدف الأول تعرف فين بداية الصفحة.... عادة تكون بداية الصفحة سطر قصير في الوسط أقصر من باقي الأسطر
اسمه العنوان إلا إن كنت تقرأ حاجة عربي فالعنوان ممكن ياخد ثلاث أربع سطور أطول من غيرهم لكن برضو في الوسط أصل العرب يموتوا في الدقة والأمانة العلمية والحرفنة المهنية
هو يدندن عنوان بيتنا زي ما كان بس انت نسيت العنوان ابعت واسأل وبلاش تتقل أحسن ناخد على النسيان
شايف الحاجات السودا الصغيرة والمرصوصة جنب بعض؟ دي بقى اسمها الكلمات
يدندن أغنية ماجدة الرومي يسمعني حين يراقصني كلمات ليست كالكلمات... اسم الله عليك هي دي الكلمات الي كانت بتسمعها أنت دلوقتي هتقرأها
هو يدندن أنا اعتزلت الغرااام من يوم اللي حبك شيبني
اللهم طولك يا روح
الكلمات أشكال ليس لها معاني
الكلمات أدوات تستخدمها الناس عشان تقول الحقيقة ساعات وساعاااااااات تقول فيها حاجات ومحتاجات
ونلفت انتباه المتعلم للمتشابهات
حسي وإحساسي كلمات متشابهة الأولى تعني صوتي والثانية مشاعري
طالبان وطلبان الأولى لو سمعتها في الفصل يعني أنت وزميلك الثانية لو سمعتها في الأخبار تبقى جماعة ارهابية حسب القوانين الدولية
ديك النهار... أنت عارف الفرخة مش كده؟ ده بقى جوزها كل يوم الصبح يطلع شغله وقد تعني ذاك اليوم
*****
التدريس مهنة قاتلة وسامعة كل الناس الي بتقول أنه مهنة الرسل
كلامكم خد من عمري سنين
المدرس عامل زي الثور المربوط
محصور جوه دور مقصور
تلف تلف وأنت مكانك بتدور
لا بره محترم ولا جوه مشكور
!!!!
جوه الدور محصور وعمرك ما هتشوف النور
تعيش مغمور وتموت مقهور
!!!!!
نفتح صفحة الوفيات ندور على وظائف شاغرة وعشانا عليك يا رب

ساعة غداء

وصلتني دعوة لغداء عمل
:)
الكلام بجد والغدا جد جدا
ويبدو أني مضطرة للذهاب هذا العام وكفاية السنين اللي طنشتها
محتاجة حجة قوية عشان أغيب أصلي مش عايزة أروح ولو الغدا ببلاش
شوفوا
غداء عمل يعني أشوف نفس الناس الغلسة اللي وشي في وشها كل يوم في الشغل واللي أنا عرفاها وطالعة عيني منها يعني بناقص ساعة زيادة أتملى فيهم ولا إيه
غداء عمل يعني تعمل فيها شيك وكلاس وتقلب في الأكل بس .... آه بجد وكثيره لقمة أو اثنين عشان ميبانش أنك مفجوع أو مفروس من طريقة أكلك
في غداء العمل مفروض نتلهي على عينا وما نبصش للناس إلى فوق نبص بس في طبقنا وهما يكروتوا كل الأوامر والطلبات إلي زي وشهم وعايزة أكثر من مشروبات غازية عشان تتبلع
وانتو طبعا عارفين عيب نتكلم والأكل في بقنا ... طب ينفع أتفه في وشهم وأتكلم
غداء عمل على غرار مبدأ جدتي اطعم الفم تستحي العين
أنا عايزة محفزات عشان أروح غداء العمل
رقاصة...... ومطرب شعبي....... وقرداتي
:)
لو حد من اللي عارفني يشوف الكلام ده هيعرف أني سلمت أخر حتة من عقلي
يا إما كنت بهلس عليهم في كل ساعاتي اللي فاتوا
الحلو هيقول رقاصة يا مفترية وعلى غداء عمل.... طب أعمل إيه أنا بنام بدري ومش بتعشى
وعشان خاطر التواضع في الطلبات ممكن أتخلى عن الرقاصة
وعشان خاطر الناس الحلوة ممكن أعتبر المدير هو المطرب الشعبي
لكن لا وألف لا لن أتخلى عن القرداتي
عايزة حاجة تطري على مراوحي مش ممكن كده يا جماعة
وسلامي الحار إلى كل مزنوق في غداء عمل وكل غداء عمل وأنتو طيبين وعنه بعيدين

ساعة ظن

كنت أظن الريح جابت عطرك يسلم علي
كنت أظن الشوق جابك تجلس بجنبي شوي
كنت أظن .. وكنت أظن.. و... خاااااب ظني
!!!!!
معلش ما تزعلش
أيظن؟؟ أيظن؟؟ تري تري
اسم فيلم كان نازل من مدة وغالبا مش هشوفوه لكن دعايته تحاصرني والأولى كلمات أغنية محمد عبده الأماكن كلها مشتاقة لك
أنا أيضا كنت أظن
هناك نفي صريح عن الظن وضرورة الإعتماد التام على الحقائق
!!!
طب أعمل إيه؟؟؟؟ مهو أنا لو لاقية حقائق أو حتى بيانات مش هأظن
العالم يرقص اعزائي ويتراقص والرؤية غير واضحة ولا أسهل من تغيير مسميات الأشياء وزي ما بيقول المثل " عنزة ولو طارت" فرغم الحقيقة القديمة القائلة بعدم مقدرة المعيز على الطيران تجد من يحاول إقناعك بإمكانية ذلك
العادي أن المعيز لا تطير لكن معزتهم سبحان العاطي الوهاب بقى يا أخي خارقة وقادرة على الطيران
!!!!
في هذه الساعة خياراتك محدودة..... يا إما تتخانق وتقول بالفم المليان لاءه بقى..... لو طارت تبقى مش معزة اساسا أو تعك الدنيا وتظن في بعض المسلمات وتقول احتمال برضو!!!! وأدام المعيز أصبحت قادرة على الطيران أظن أنا بقى براحتي أن الصداقة قد تكون الشيء الوحيد بين رجل وأمرأة!!! وكنت أظن الخير ينتصر دائما!!! كنت أظن الطيبين أكثر سعادة!!!! كنت أظن الناس حلوين!!! كنت أظن أني واضحة جدا ولن أدخل دائرة الظن
باختصار اكتشفت إن حالي من حال محمد عبده كنت أظن وكنت أظن وخاااااب ظني في حاجات كثير وناس أكثر
أنتو بقى ما ساعات الظن عندكم
؟؟؟؟
وعشان نفتح اللون الغامق نقول إيه الساعات التي لم يخب فيها ظنكم

ساعة عزومة

حد النهاردة فكرني أما خيرني بين عزومة سمك في الاسكندرية وزيارة لجدة يرافقها عمرة طبعا بحادثة من بتوع زمان أيام ما كان الزمان فاكرانا ونحن قطعة من الحياة

................
ما علينا عموما كملوا المفروض كده انها ساعة فرفشة
ومش عايزة قر لا يظنن أحد أن العزومة المفتوحة على البحري دي حقيقة دي تبع ابقى خلينا نشوفك يا راجل
لكن يا ترى لو كانت حقيقة وهختار أختار بعقلي ولا قلبي؟؟!!! قلبي طبعا هيروح البحر سامحني يا ربي لكن عقلي هيروح عمرة عشان مش فاضل في العمر قد اللي فات أدام بقينا بنتكلم في الذكريات
:)

احكيلكم عن طريقة من طرق التربية العربي
كان يا مكان في القرن الماضي من الزمان محدش يزهق في النص هشوف اللي مش يكمل قراية في مرايتي
بنات قطاطيط خالص وكنت واحدة منهم
وبما أننا وصلنا مرحلة متقدمة من العلم فبقينا في الصف الثاني ابتدائي اصبح لدينا معرفة كافية وذاكرة قوية تقول أن الحصة الجاية دي حصة فن يعني شخبطة في الألوان ورغي مش عارفة على ايه ...... ما علينا
المهم
بصينا لقينا مدرسة الدين المتينة داخلة يا ولدااااه علينا
وبرغم أننا صغيرين فتة خالص إلا أننا زعازيع عرب يعني شجبنا ورفعنا أصواتنا بالاستنكار بأقصى درجات الاستهطال
فرمقتنا المدرسة من وراء اطار نظارتها الأسود العريض بنظرة احتقار يستحقها زعازيع الكفرة المعترضين على حصة الدين ومصرين على حصة الفسق المهين- كان رسم مش رقص

وسألت في منتهى الدهاء مين اللي عاااايزة حصة دين تيجي الناحية اليمين ومين اللي عااااايزة حصة فن تيجي الناحية الشمال
لن أدعي الطهر والبراءة أصلي كنت أكثر براءة من أني أخاف أو أخون حد ولست في وارد التدين المظهري
دي حواديت المراهقة احتمال اقولكم عليها بعدين
المهم
انا يا جماعة رحت رايحة ناحية الشمال... قالتلي لاءه أنت قلت انك عايزة حصة دين وده يشهد الله كذب
تعالي هنا يا بنت
ربما دي كانت أول خطواتي كي أصبح خروف قصدي إنسان منسجم اجتماعيا
وبعد ما قسمت بالحق بين المتدينين الأطهار وصغار الكفار قامت بضرب المنحلين المفضلين للفن على الدين بالعصاية على ايديهم وده عشان يتوبوا عن تفضيل الدنيا على الدين
أنا ساعتها كنت مصدومة وشاعرة بالذنب مفروض يعني أنا مع الفسقة على أحسن تعديل لكن عشان أنا كنت عموما بنت لطيفة-زمان جدا يعني- ومن المشتركات في مسابقة حفظ القرآن المربية الفاضلة قررت أني لا استحق العقاب بدليل وجود شيء من كتاب الله في صدري ينفي عني تهمة الفسق
وأنا بقول الاكتئاب بجيني منين؟؟؟؟ منين يا جدعان؟؟؟؟؟ ده الواحد عدت عليه ساعات ياما

اللي فكرني بالحدوتة المنسية دية حيرتي في الاجابة أجاوب بشياكة واقول انا متدينة واختار العمرة ولا اقول الحقيقة وأني ميتة أروح البحر ولأني تعلمت النفاق بدري بدري اعتذرت عنهما معا مفتكرش ربنا هيقبل مني عمرة نفاق ولا إيه

إنسان نهاية الإسبوع

لو عايز تشوفني غمض عينك تشوفني
أديني سهلتها عليكم خالص هتشوفني من غير ما تغمض عينك هو أنا لسه هتعبكم معايا غمض عينك وفتح عينك واحنا آخر الإسبوع
ومعظمنا جايب جاز يا من تعب الشغل يا من الوقت اللي بيمر من غير شغل أو في البحث عن شغل
الصورة دي تعبير حي يصفني بمنتهى الشفافية في نهاية الإسبوع
في الاصل شيك وحلو ولكن في نهاية الإسبوع متعاص ومتلحوس مش في الطبق لكن في الحياة
إلى كل المتلحوسين من الشغل أجازة سعيدة إن شاء الله
يعني من غير زيارات ولا طبيخ ولا غسيل ولا تصحيح متأخر ولا حتى مفاجأة من نوع يا ما جاب الغراب لأمه
:)
اجازة من بتوع تتمتطع في السرير لابس البيجاما طول النهار وكيس شيبسي يونسك

ساعة صداقة

هل صادقت ميتا

؟؟؟؟؟؟

لا أعني أن تكون قد فقدت صديقا فهذا أمر عادي ومتوقع ولكن هل تعرفت على ميت وشعرت أنه صديقك أو أنك ترغب في أن تذهب إليه ليكون صديقك؟؟
أتحدث اليوم بجدية وليس بمدوناتية
هكذا شعرت بعدما سمعت برنامج عن كتاب لكاتبة وبقيت الكلمات عنها لثلاثة أيام ترن في أذني فلجأت لمن لا يخذلني إلا نادرا رغم إرادته...
أنه حاسوبي ومحركات البحث
كتبت اسمها فقط.... دون الطريقة المعتادة لكتابة العنوانين
صدق إحساسي مجرد اسمها كان كافيا
وجدت بضعة عناوين تحمل اسمها وخوفا مني على أن لا أعود لأحظى بفرصة التعرف عليها حفظت الصفحة ضمن قائمة التفضيل
وبخوف طفل فرح بهدية ... يفرح لحصوله عليها .... ويخشى ألا تكون ما يتوقعه
اخترت قراءة العنوان الأول عنها
لا تخلو حياة من لحظات سعادة

وجدت عنها نبذة بل وأكثر نماذج من كتاباتها ونسيت أني كنت على عجلة من أمري
وأنا دائما على عجلة من أمري
بدأت أقرأ كلماتها كأنها تخاطبني
في البداية تمنيت لو أن هناك فرصة للقائها
ثم بعد مرور دقائق بيني وبين أفكارها لم يعد اللقاء مهما
أنا أحبها وهي صديقتي دون لقاء
ليس لبعد المسافة المكانية ولكن لاختلاف نوعية الحياة
كيف لها أن تكتبني دون أن تعرفني

!!!!
كيف لزماني أن يعيد أحداث حياتها
أحدث صديقاتي ميتة رحمها الله
قرأت في إحدى المرات أن سبب كتابة المشاهير لسيرهم الذاتية فقدانهم مساحة الصداقة الحقيقية في الحياة من حولهم لشدة المنافسة فيلجئوا للورق كمساحة للتعبير المفقود في حياتهم الخاصة فهل تعتبر كتباتنا لمدوناتنا أيضا من باب غياب الصداقات الحقيقية في حياتنا
هل حقا تضيق بنا الحياة فلا نجد من يسمعنا سوى من قد يقرأنا من الغرباء
كيف يتحدثون عن شخصيات هامة وأخرى غير هامة وجميعها تنتهي بالفناء
جواب السؤال في هذه الساعة أنك تقرأ الشخصيات الهامة بعد فنائها فتصادقها وتتمنى أن يصلها إحساسك بهاوفي ساعة أخرى قد يختلف جوابي على سؤالي

لو سمحتوا هاتوا معايا تعبت وأنا بهاتي لوحدي

:)

الفرح

لنتصارح في ساعة سكينة

من أين يأتي الفرح

؟؟؟

وصلتني الصورة في بريد استوقفني فيها التناقض الصارخ بين بؤس الخلفية وابتسامة الفتية ووجدتني أحفظها باسم ينبوع الفرح

علي أجد جوابا لسؤالي من أين يأتي الفرح

دمار وركام وثياب رثة قذرة لم تمنع ابتسامة عريضة صادقة ونظرة تصميم وقبضة مغلقة

اجدني افتح الصورة واسرح وبدل أن أجن قلت لأشاركها آخرين

لكن على كل الداخلين والناظرين أن يعبروا عن أفكارهم بكلمات فحاليا خيار التواصل عن بعد لايعمل بكفاءة

ساعة ملاسنة

ترافقنا بعض الذكريات من الطفولة وليست بالضرورة سعيدة .. تبقى دون رغبة منا في الاحتفاظ بها ولكنها من النوع الثابت والي مش بيبهت مع الزمن إما لأنها مؤلمة أو متكررة أو لأنها كانت سعيدة ونادرة

( خمة صياغية)

.تأتي بعض الذكريات من التعليقات التي نسمعها عن مظهرنا دون أن يتذكر أحد أن لا سلطة لنا عليه

احدى ذكرياتي كانت وما زالت تدور حول لساني
آه والله لساني يا جماعة ورغم أنه ضمن التشريح عضو داخلي فمكانه الطبيعي داخل فمي ولن يرآه أحد إلا بطلب مباشر ولهذا الطلب أشكال وأسباب طبعا

ممكن يكون طلب طبيب أبعدهم الله عنا.... وقد يكون الطلب غير مباشر عندما يناقشك أحد أو يلطشك لأن الدقة مطلوبة ويفترض بنا كبنات مؤدبات ما نردش خالص

!!!!
ليه ماليش لسان؟؟؟ ولا هطل إن شاء الله؟؟؟؟ أيوه هو كده البنت المؤدبة ما تردش على كل حاجة!!! طب ليه؟؟ أطنش يعني؟؟ لاءه اسكتي خالص!!!! مليون علامة تعجب بتسأل ليه؟
لسانك طويل
لسانك حاد
سليطة اللسان
ربنا ما يوقع حد في لسانك
دي فقط بعض صفات لساني وعبر سنيني كنت أشعر بالغبن والضيق لماذا يحق للآخرين أن يقولوا ما يريدون ويجب علي تقبل كل ما يقال بهطل شديد كمؤشر على حسن الأدب؟
مرت سنين طويلة حاولت فيها يا جماعة التزام الصمت وتمثيل دور البلهاء كي احصل على درجة من القبول الاجتماعي ... ثم اكتشفت أنها قسمة ضيزى ومقدرش عليها

(طب ان شاء الله ما حد حبني وإن شاء الله البشرية تخبط رأسها في كل صخور الكرة الأرضية(بليز محدش يقول آمين

بعد مرور السنين اكتشفت أن طولة لساني التي كانت أكبر عيوبي بعد افتقادي لهذه الملكة نتيجة القمع المستمر لها أنها كانت سرعة بديهة!!
ما كان يوصف بملاسنة وجدل عبثي كان في الحقيقة حدة ذهنية وجاهزية بالحجج والبراهين لإثبات وجهة نظري الخاصة
بلاش طولة لسان
مش عايزين مناهدة وكثر كلام
مفيش نقاش
كل ده عشان آمورة شوية وبيغيروا مني:) طب أنا ذنبي إيه في كده
وعلى فرض أني مبتلاة بلسان لا يسعه فمي أنا ذنبي إيه في كده
آخرها حد بيعلق على ساعة مع أصلع وقد إيه كان غلبان مع لساني
عايزة أقولكم حاجة يا جماعة مهمة في ساعة السكينة دي إن المشكلة مش في لساني خالص

!!!
المشكلة إن وجدت فهي في دماغي وأنتو عارفين من الأول محاولاتي ورغبتي في التخلص منه

لو حد توصل لحل جديد في طولة اللسان وحدة الذهن ميتأخرش عليا ربنا يكرمكم وينبكوا ثواب في المعذبين من حولي

ما زلت أحاول حتى الآن حل هذه المشكلة الرخمة باني ساعات اتخذ قرار سلطاني بالتزام الصمت... تفتكروا حصل إيه؟ انقل لكم ما حدث بالحرف
ساكتة ليه؟
أبدا معنديش موقف محدد من الموضوع.
وإزاي حصل الكلام ده؟؟ أكيد عيانة!!
ممكن يكون داخل عليا دور برد( خليكوا شاهدين اني مؤدبة لآخر لحظة)
اجابني هقولك حاجة.....
هنا طبعا استدارت عيوني كأجدع قرش مفترس
أنت مخيفة وأنتي بتتكلمي....... ومخيفة وأنتي ساكتة..... وكمان مخيفة وأنتي مخيفة
تخيلوا!!! طب في ساعة زي دي أعمل إيه
عايزة على وجه السرعة كشف للبشرية عند نفساني معتبر أسعاره مهاودة

سنين مش ساعات أتحمل اللوم على سفاهة البشرية مع أني غلبانة وفي حالي

ملحوسة فلحوسة: الكلام المايل ده كلامهم عليا يبقى أكيد لازم يكون مايل

ساعة الحب الحقيقي

الحب ببببببببببببببببببببببهههههههههههههههدلة

!!!!!!!!!!!!
أظن محدش عنده اعتراض على الكلام ده

المشكلة مش في البهدلة فعلا ... المشكلة اننا منقدرش نعيش من غير حب
يا ادي الحيرة اللي انت فيها يا قلبي!!!! وربنا يرحم جميع أموات المسلمين ومعهم طبعا حليم
أندم لو حبيت وقاااااااااسيت وأندم لو عمري ما حبيت

!!!!

أنا كده رغم فقداني القدرة على اتخاذ القرار
أصل أنا راهنت وخسرت وحبيت من غير حتى ما أفكر أقدر أحبه أو مش هقدر
بحبه ومطلع عيني ولو أنه نن عيني
وزي ما كلنا عارفين ان الحب بهدلة فكل شوية اتبهدل عشان أنا بحب
واشتكي منه لكن بحب
وساعات الشكوى تكون عالية الوتيرة متواترة المقذوفات اللفظية والدمعية
اه ساعة الحب ما يطرش العين ويجيب دموعها
واتشال واتحط وانشغل بوضع الخطط المسبقة للمعركة القادمة
وأكيد في غيري كثير عارفين أننا في حالة الحب دااااااااايما على طووووول خسرانين
مش بس كده لا ومتبهدلين كمان
ساعات اخذ قرار صارم بالتوقف عن حالة الهطل والحب لكن دائما يواجه اعلاني
بضحكة ساخرة وكلمة واحدة
زوبعة في فنجان!!!! كلام سمعته كثير
بكرة تحني وبكره ليه هي ساعة مش أكثر
لو نده بس هتسيبي الدنيا وتجري عليه
ورغم مرارة الاعتراف وذل الانكسار لكن الحق يقال ان كل الكلام اللي بيتقال عليا صحيح
ويمكن شوية

!!!

بحبه طب أعمل إيه والله لو عرفتوه هتعرفو انه يستاهل حبي
وكل حب الدنيا قليل عليه وكل الدنيا ما تساوى ضحكة من عنيه
طيب وحنون وكمان أموووور
تعرف ازي اني بحبه؟؟ في عز ما أنا مقموصة ومفروسة منه صوت هامس اطير طيران مش مشي
وساعات تلاقيني اتلكك .... ندهت عليا؟؟ عايز حاجة؟؟
في كل مكان أتحدث عنه
كل صحابي بيعرفوه وساعات كمان بيحبوه
محدش يفتكر انه انسان مثالي ....أبدا ده مزاجي..... وعندي.....وفوق كل ده قمااااااااص يا ناس كمان
بالعقل لو كان عندي عقل مش مفروض أحبه أصله بيحب غيري كثير ومجوز واحدة ثانية
لكن محدش عنده عقل أفتكر بيحب
عادي لو كان الكلام كلام مجانين لأن دي نهاية غالبية المحبين المخلصين زي عنتر وقيس ابن الملوح
والله محد هيتلوح إلا أنا لو اللي بحبه شاف البوست ده
تخيلوا في سني ده وبخاف منه رغم حبي ليه
قولوا من فضلكم
يا رب تخلي بابا وتبارك ف صحته وتقدرني دايما اني أبقى بطته
ملحوظة: يمكن تغيير البطة في البيت السابق بأي حيوان آخر أو أداة لكن المهم يكون مع الأمور قمر البدور
بابا حبيبي وصديقي في ساعات عقلي وجناني وكفاية انه مستحملني العمر ده كله

يا وردة حياتي بحبك طول العمر وباستمرار وباصرار كمان
تحية قلبية خالصة صادقة ودعوة في جوف الليل أن يرزقنا الله بر والدينا وحبهم يا رب

ساعة مع طبيب نفسي

في مرة سألت مدرسة الموسيقى بعد طول حديث عن الأذن الموسيقية ودورها وجمالها كيف تكون الأذن موسيقية أو كيف تصبح كذلك فأجابت ضاحكة يجب أن تكون كبيرة جدا واضح جدا أنها أذن مثل أذن الفيل!!! أسرد الحادثة خلال تفكيري لزوم ما يلزم كي تكون طبيبا نفسيا؟ فلو كانت الأولى تتطلب أن تكون أذن من الناحية الشكلية والتشريحية قادرة على السمع بدقة فهو أمر يسهل تمييزه فهل يجب أن يكون المختص النفسي نفس نفس؟؟ يعني إيه!!! هل يعني عاطفي أو حنون جدا أو عدم المؤاخذة مجنون برضك بشدة؟
أثناء سفري جلست بجانبي سيدة متبرجة بشعر مصبوغ ومصاغ كثير يرافقها رجلان أحدهما شاب والآخر أقرب إلى الخمسين من عمره تبدو على ملامح الشاب الخضوع والطاعة وتبدو على ملامح الكبير العمق والتكبر بينما كانت سيدتهم تتفجر غضبا مكبوتا بعد تركهم لها بجانب متاعهم وانصرافهم لبعض أمرهم تناولت هاتفها المتنقل وبدأت في الحديث الذي لم أقصد تسمعه ولكن صوتها كان من النوع الحياني كنت أشاهد برنامج عن بطولة البلياردو التي خبرتي فيها تقاس بخبرتي الموسيقية والنفسية كان مجمل كلامها شكوى من الكبير وكيف أن معه تابعه الأمين وأن سلوكه لم يعد يطاق وردا على محاولة تهدئتها من الطرف الآخر قالت لاءه مفتكرش انه قادر يستفيد من الكلام اللي عمال يقوله للعيال لليل نهار!! ده أكل عيش مش أكثر!!!!!1 يبدو أنها لم تكن في حالة تسمح لها بتقبل أي مخالفة لرأيها بأنه غير طبيعي وإمعانا منها في شرح معاناتها معه من سنين قالت أساسا كل الناس اللي بتدرس علم نفس مجنونة من الأساس..... وجنانها واللي ناقصها هو السبب خلف اختيار التخصص التعيس!!!لو كان فالح كان درس حاجة عدلة!!!! واااااااو!!!! أول نقد كنت أسمعه يوجه لعلم النفس وأصحابه فهم عادة صفوة وجهابذة نحترمهم ونخشى قدرتهم على اختراقنا وفضح أسرارنا فضحكت.... وهنا أدركت تلك السيدة وجودي بجانبها فرمتني بنظرة نارية متحدية أن أجيب أو اعترض وبالطبع لم افعل فتلك معركة لا ناقة لي فيها ولا بعير في ذلك الوقت بعد قليل عندما عاد الكبير المختص وتابعه الأمين سارعت بإغلاق هاتفها وفي نفس اللحظة راوغت الكرة لاعبها فبعد لمسها للمرمى رمت بثقلها للجهة الأخرى وجرت بعرض الطاولة فضحكت لأن الحياة مبتريحش حد ولا حتى الكرة بتريح لاعبها .....هنا وصلتني لافا البركان النشط بجانبي فقالت يعني ما شاء الله متابعة قوي!!! وفاهمة اللعبة؟! نظرت إليها وأنا أجمع أغراضي مهاجرة بعيدا عن بركانها الحقيقة لاءه ولكني استمتع بالمشاهدة لعلي أتعلم أي لعبة في الحياة فأنا لا أعرف غير الجد وحياتي كلها وش واحد!! بعد أن شهقت ودعتها بابتسامة فلا أحد بإمكانه أن يستفزني في ساعة سكينة طبعا ما عدا معالجتي التي أكتب هذه السطور انتقاما منها واسأل نفسي هل يا ترى من أطلب مساعدتها أكثر جنونا مني حقا؟ هل هم فعلا ناقصهم حاجة بيعوضوها في حياة الناس؟ يعني هم مش تمام نفسيا؟ يعني إذا كان بإمكان أي أذن أن تصبح أذنا موسيقية يمكن لأي... أن يصبح مختصا نفسيا؟؟ وهل لأنهم أصلا ... أقدر من غيرهم على فهم....... ؟ تتحدث بثقة عن حياتي ومشاعري لا أستطيع بنفسي أن اجزم بأنها تجري بهذه الكركبة في داخلي!!!! تتحدث بثبات كأنها تقرأ نشرة اخبارية!!!! ساعات يكون أعلى تركيزي على نبرة صوتها!!!! أسئلة كثيرة لكن مش لاقيه إجابة عليها هل يخبرني أحدكم عن طبيبه النفسي وهل كلهم في ساعات......

ساعة الكذب

تعى ولا تيجي واكذب علي الكذب مش خطية
من ساعة ربنا يكرمها فيروز ما قالت الكلمتين دول والناس افتكروها فتوى شرعية تبيح الكذب
مهي لسه قايلة بعظمة لسانها أنه ليس خطيئة وهنتبع اجتهادها وفي فوضى الفتاوى أي حد ممكن يفتي حتى وإن كان يكذب.... ما علينا
موضوع الكذب بقاله فترة مخبط معايا جامد وأنا بقول الله يخزيك يا شيطان وبلاش سوء ظن وبلاش نشر غسيل العباد
لكن لقيت أوبرا وينفري بقى بتنقر على الموضوع وتذكر دراسة تشير إلى أن الإنسان العادي يتعرض لحوالي مئتين كذبة يوميا!!! يعني كذبة كل خمس دقايق

!!!!!

ده في بيئة الدراسة الغربية مع الحريات المتاحة والاستقلالية واللي مش عاجبه يشرب من البحر امال لو طبقوا الدراسة علينا يا ترى هتكون النسبة إيه... وأترك لجنابكم بما هو معروف عنكم من حكمة ودراية وحسن تقدير البت في الموضوع

تكون قاعد في أمان الله يحب حد يستلطف ويتمطع على حسابك طبعا يفتح موضوع إيه رأيكم في الكذب؟
أي لون منهم؟
لهو الكذب ألوان؟
أيوه نزل منه الأبيض اللؤلؤي والعادي والشفاف؟
كذب شفاف؟؟
أيوه يعني مفقوس خالص لكن أهو بيقضي الغرض
وازاي يقضي الغرض وهو مفقوس؟ وليه نكذب كذب مفقوس؟؟ هي الخيبة حصلت أننا مش عارفين حتى نكذب

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ما تغيرش الموضوع وجاوب
هو إيه الموضوع أساسا؟؟
رأيك في الكذب
ممممم
يعني لازم اقول الحقيقة ولا ممكن أكذب؟
هتكذب في موضوع الكذب!! ده أنت حكاية
قصة قصيرة من فضلك مفيش وقت للروايات, ومن الآخر عايزين مني إيه أصل ورايا شغل- دي كذبة للخلاص من غلاستهم-
عايزين إجابة محددة عن كمية الكذب وتوقيته في حياة سعادتك
اللي افتكره إن الكذب كان حرام على أيام تربيتي- كانت مجرد محاولات باء معظمها بالفشل- وآخرته وحشة
وكنت أعرف أن الكذب ما لوش رجلين وبرضو مكانش ألوان على زماني
ثم أنا هكذب ليه يعني- دي في الحقيقة أخيب كذبة-
وأنا عمري ما كذبت- ودي بقى آخر كذبة في سجلك
يعني ما بتكذبيش خالص؟؟
إزاي !!! طبعا بكذب كل يوم.
كل يوم!!! مع أن شكلك ميقولش كده
شكلي أكبر وأقوى كذبة في حياتي .....كينونة متخدش منها خوانة شوية براءة على شوية هطل لكن الحقيقة غير كده خالص
دي كذبة مفيدة صيت غنى ولا صيت فقر
عملت دراسة سريعة كده فضلة خيركم عن الكذب
لقيت الكذب الأبيض هو ما ينجيك من مشكلة يستحسن تفاديها وفيها مصلحة للجمهور وتقول مثلا لالا مكانش قصدي طبعا , أصل أنا ما سمعتش التليفون, يا سلام ده أنت تنوريني , ما دقتش أطعم من كده!
الكذب الأسود اما تحمل حد خيبتك الثقيلة وعادة ما يبدأ هذا النوع ب مش أنا.... وممكن تكون داهية مسحية وتقول مين اللي
كذب من غير لون حاجات بنقولها ساعات ونشيل ذبنها من غير داعي مثل وحشتوني, طبعا ذكية
ونستطيع أن نصنف الكذب بألوانه السابقة حسب أدائه الوظيفي فنقول فيه كذب مفيد وكذب ضار وكذب ماسخ قصدي محايد
طبعا أنا فتكم في الكلام وخبيت وما قلتش عن أصدق كذبة في حياتي
وبكده يكون لي السبق المدوناتي في الكتابة عن كذبة أبريل قبل أي حد
مين بيكذب ولو ساعات ومين ما بكذبش خالص؟؟

ساعة مع أصلع

هناك ساعات لا تكون على البال ولا على الخاطر ومع ذلك تحدث
تحدث بدون تخطيط أو على الأقل بدون علم مسبق منا ولكنها معلومة في القدر
وجدت نفسي في جلسة مع أصلع(والله آسفة) بحكم درجة بعيدة من القرابة
ولأنه أصلع فهو منفتح على العالم حيث لا شيء لديه يخفيه بعد ظهور جلدة رأسه
وكنت أستثير فضول هذا الأصلع من سنين كما قال....... ليس لأني محجبة فلا يعلم إن كنت مثله صلعاء
بل لأنه يراني اجتماعية مع الجميع(إشاعات) وفي نفس الوقت لا أحد يعرف عني شيء!!!(أيضا إشاعات)

اقترح هذا الأصلع في وقت ما من حديثه الغريب المفاجئ أن نجمع الأشتات
يقصد حجابي وصلعه على مخدة!!!
لن أقول أن فكرته لم تخطر على بالي أبدا ولكنها مستبعدة
ولأن هذه الساعة كانت بدون تخطيط حقيقي
أجبت أيضا بدون تخطيط
أن الأشتات أبعد من ذلك
فأنت لا تحب حجابي ولا حجمي
وأنا لا أحب انفلاتك ولا صلعك
!!!

نظر إلى بلا جواب
ولكنه حصل على جواب آخر لم يظن أنه سيحصل عليه
لقد عرف أخيرا لم بقيت دون أهلي وجيراني وجميع أهل الأرض دون زواج
عرفت ذلك حين قال كيف تقولين ما تفكرين به؟؟كيف تنتقدين غريب؟؟؟؟
!!!!
لاحظوا هذا الغريب كان يخطبني
وعندما رأي عيوني المستديرة دهشة زادني قولا
لا يعبر الناس عن أفكارهم بمثل هذه الصراحة والانفتاح
وكان نفسي أرد عليه لم لا يخجل هو من إظهار جلدة رأسه
بينما يجب أن أخجل أنا من إظهار أفكاري؟؟؟ أليست هذه وتلك أجزاء منا
طبعا كنت على وشك قول هذا عندما أكمل
لا بد لك أن تتعلمي وتقبلي القيود الاجتماعية فأنت لا تعيشين في الغابة
وهنا كان لا بد لي أن أضحك وأنا أتصور نفسي أقفز صارخة من شجرة لأخرى بشعر منفوش وأقدام قذرة
إن هذا الأصلع يعتقد أن بإمكانه تقويمي لأني برأيه معوجة
!!!
عرفت ساعتها أنه لا يمكن التواصل معه لصعوبة الوصول إليه من خلال الأرض البور التي لا يمكنها أن تنبت أفكارا مستنيرة والتي عجزت بالفعل عن إنبات حتى الشعر
سرحت ......وفكرت هل يؤثر لون الصلعة على وقعها في النفس؟؟
على اعتبار أن الألوان الفاتحة تعطي إيحاء باتساع المساحة بعكس الألوان الداكنة
وهو من نوع المساحات الفاتحة
و كان هو يقترح قراءة الفاتحة حتى يستطيع أن يكتشف أبعاد جنوني
سألت ما رأيك بالتغيير
قال نعم لا بد لك أن تتغيري
أجبت صحح الضمير من فضلك نتغير
ليس لدي وقت كي أغيرك أنت كبيرة وتعرفين كيف تغيري ما بنفسك كي يغير الله عليك
ألححت كي يسمعني وطرحت موضوع التغيير المتبادل
هنا أصبحت العيون المستديرة دهشة أمامي أنا
يمكن أن أغير حجمي من أجلك وتنسى انفلاتك من أجلي
!!!!

يجب أن تصلي على الأقل فلو كان لديك شعر كنت أدركت كم أصبح عمرك من لونه
وتقبل بحجابي وجنوني مقابل أن أقبل بصلعك وأفكارك القديمة(قيودك)
الحمد لله انتهت الساعة مع أنها كانت أطول من المعتاد
هل حقا هناك ساعات أطول من ساعات؟؟ أكاد أقسم أن نعم
بل أن هناك دقائق تساوي ساعات وساعات
لم يغير رأيه في العوانس ولم أغير رأيي في ........
وكم سنرى من ساعات إن كان في العمر بقية

ساعة فرح وعزاء

أود بداية الاعتذار كون ساعاتي لم يكن فيها واحدة مفرحة حتى الآن وسئلت نفسي لماذا؟

مع أن نعم الله علي عديدة ومهما جحدت منها لن أستطيع أن أجحدها جميعا, فهناك فرح وإن كان قليل وهناك نجاح وإن كان متفرق وهناك أحلام وإن كانت باهتة!!!

لا أعرف حقا لم لا يوجد طعم للفرح؟؟ هل طعم الفشل وإن كان قليل أقوى من طعم النجاح؟؟ هل المر أقوى من الحلو؟؟ هل تختلف قدرة اللسان والإنسان على تذوق المذاقات المختلفة؟؟ لا أعرف ولذا سأتحدث عن شعوري لا معرفتي. حسنا لا أستطيع الكتابة الآن رغم أني لست حزينة ولكن... .ربما في وقت لاحق!!


ألتزم عادة بوعودي وأنا وعدتكم ونفسي أن اكتب حاجة مفرحة
ماشي كلاكيت ثالث مرة مش لاقيه موضوع مفرح سوف أترك الصفحة كما هي لأعود لها فيما بعد عندما يحضرني الفرح.....

أنا موقنة بأنه سيأتي لأن رب العالمين كريم ولكني بت من الضعف في حالة لا تمكنني من احتمال الانتظار وطابور البائسين أصله طويل خالص ولا أشكل والحمد لله حالة مستعجلة من حيث الحاجة للفرح

انما كبرت في دماغي لازم أشوف حاجة مفرحة أن شاء الله أفتح صندوق حد من الجيران.

أيوه افتكرت!!!!!

حد فيكم راح يعزي وكان هيموت من الضحك؟؟ أنا !!! سأخبركم

توفي جاري رحمه الله ولم يكن من الشخصيات المفضلة لدي مع أننا لم نتبادل حتى التحية ليس بسبب خلاف ولكنها طباعي المحرجة!!! وعندما ذهبت للعزاء لمعرفة طفيفة مع زوجه, كانت هناك سيدة فاضلة تقدم درسا عن عدة المتوفى عنها زوجها فتقول لتشرح وتبرر طول الفترة" أي نعم أربعة أشهر وعشرا مدة طويلة ولكنها ليست كثيرة على الزوج.. أبدا!! وما أدراكم أنتم ما الزوج!!!!!!!!!- ظننت ساعتها أن كل المعزيات عوانس أو هكذا يفهم من كلامها نظرت حولي ولكن لم أتحقق- أنه يا حبيباتي الأنيس ... الجليس....الوليف... أنه من يبقى إلى جوارك بعد أن ينام الجميع...من يبقى معك بعد زواج الأولاد والبنات.... لا يساوي أحد في الحياة الزوج أبدا لا والديك ولا أولادك.. نعم البنت سر أمها وقريبة منها ولكنها لا ترى منها ما يراه الزوج....تقولين له ما تخجلي منه حتى من أمك ...آآآآه الزوج ومكانه..... تجلس المرأة في العدة وتترك زينتها بما فيها من ثياب تبهرج وعطر... ولمن تراها ستتزين وقد ذهب الحبيب!! في العدة تتخلى عن الحياة وتعتزل لتقرأ القرآن وتهديه لروح من كان كل الفرح معه....

لست بحاجة لأن أصف لكم حالة المعتدة مع كل كلمة كانت تقولها الفاضلة حيث بدأت بالبكاء وانتهت بشق الثياب!!

مع كل جملة كانت تنطقها الفاضلة وارتفاع بكاء المعتدة كنت أقاوم ضحكتي إلى حد شعرت فيه أنني لا أستطيع تحمل الموقف أكثر من هذا فخرجت قبل انتهاء الموعظة.
سئلت أين كنت؟؟ قلت في عزاء جار!! لكنك تبدين ضاحكة !!! قلت الحمد لله اسمعوا يا بنات نحن في نعيم لا أول له ولا آخر وسيحاسبنا ربنا على كفر النعم الذي نكون عليه أحيانا بدعوانا اللهم يسر أمر زواجنا

عارفين المثل " الللي ما لوش ما يروحلوش".

صدقت معالجتي من وجوب التزام الايجابية في الحياة فكل نقطة مظلمة لها زاوية مشرقة يجب أن أغير مكاني فقط كي أراها.

رحمك الله يا جاري وأمواتنا أجمعين.

ورحم الله من علمني أن عدة المتوفى عنها زوجها أطول لإظهار قيمة رابط الزوجية, وتوفير فرصة لإعادة ترتيب ظروف الحياة والعمل بعيدا عن المشتتات العاطفية من مشاريع الارتباط... عموما كانت معلومة غير مفيدة لم أحتاجها في حياتي وكنت أود أن أذكرها للفاضلة كي أوقف استنزافها لمشاعر الأرملة حديثة المصاب أنما يعني جملتين في دقيقتين لا تساوي بالتأكيد استفزاز مشاعر الفقد كي تبكي الفقيدة لتظهر حزنها على العشرة والونيس اللي مالوش في الدنيا مثيل!!!!

إن لم يكن الفرح ماطرا........ تكفيني قطرات الندى.

الحمد لله على كل ثانية في ساعاتي.

ساعات حبهم

آخر حاجة كنت أتصور نفسي أكتب عنها الحب وعيد الحب خصوصا لكن للضرورة أحكام
كل ما أدخل حتة ألاقي صحابي بائسين من قصص حبهم
ولأني بحبهم قررت أشاركهم خبرتي في عيد الحب عشان يعرفوا حالة حد من غير حب ولا حتى تاريخي في حياته







بدأ نهاري برسالة على هاتفي من صديقتي بكلمات كتبتها كل سنة وأنت عيد للحب يا ..اسم الدلع المخصوص مش للنشر
هي فاكرة أني طيبة في الحقيقة هي اللي طيبة وفاكراني شبهها
ثاني رسالة كانت برضو من صديقتي الأنتيم كما يلي
بمناسبة عيد الحب وإلى كل الوحيدين والمحرومين والمتحسرين على أعمارهم أقول
يا شماتة أبلة ظاظا فيكم كلكم
:))
هي عارفة أن التحدي هو دافعي للحياة
وصلتني رسائل من مجرد معارف يشكروا برضوا فكروا يبعدوا وحش الوحدة عني ولو بضوء شمعة
المهم كنت عايزة أقول
لكل من زرته اليوم ووجدته متوجعا متألما بنار الشوق واشواك البعد والقمص
يا جماعة تعالوا على نفسكم شوية
لو محدش من اللي بتفكروا فيهم رق وحن يبقى أكيد مش هو الحب
عارفين الحب في نظري إيه
زي كده بالضبط





الحب الحقيقي أما تلاقي حد يرحم ضعفك ويعاملك برقة وحنية وساعتها يبقى بعيد أو قريب فاكرك ولا ناسيك مش تفرق كثير ولو من غير رحمة يبقى ساعتها أكيد إنذار خاطئ

ساعة هدايا

ما العلاقة بين القلب والقدم؟؟!!
حد باله رايق اللهم لا حسد هيقول قديما كانت القدم محل تقدير وتكريم واحترام على اعتبارها شايلة البني آدم
وتقديرا لمجهودها كانت تتحط على الوسادة أول الليل عشان في آخر الليل محدش يفتكر أيه اللي حصل غير يحيى الفخراني
ادي القدم عرفنا حكايتها امال القلب ليه محدش كرمه قوي كده غير في الفالنتين وكل سنة واحنا حلوين وفي الخرافات والبدع سارحين ومرحرحين
كانت قدماي اليومين الي فاتوا كانوا طريق لقلبي
لا مش قوي!!! حد يفتكر حد باس رجلي ولا حاجة استغفر الله أساسا أنا مش ممكن أقبل حاجة زى دي ثم إحنا كلنا يعني أخوات
أول حاجة وخطوة كانت بلغة حرير
ثاني حاجة كان بوت شتوي معتبر
ربنا يكرمهم أصل ميهونش عليا اصرف ويوم البرد أتكلفت في السرير وخلاص ويلاش منها أي خروجة
آخر حاجة بقى كانت النهاردة صبحت أشرب القهوة الباب خبط وأنا في أسود لحظاتي المزاجية
جاتني هدية فاخرة من الحاجات اللي بنتفرج عليها في المجلات
feet rest
لونها نبيتي

كل دا ليه؟؟
هدايا من ناس بحبها وواضح إنها بتحبني تفكيرها جايب لحد كعوبي
ما شاء الله والله أكبر
ليه اختاروا يهادوا أقدامي؟؟؟
سأترك الإجابة لكم طبعا
لكن خطر على بالي أن أقدامي قد تكون أكثر ثباتا ووضوحا وأسهل من دماغي
:)))
أو أن حبايبي لهم جذور صينية حيث كانت القدم تحترم وما زال لها علم يسمى الريفلوكسولوجي
http://www.bafree.net/forum/archive/-32891.htm
ما علينا المهم وضوح العلاقة بين قدمي وقلبي مش تقولي الطريق لقلبه معدته شوية والهدية تروح مش عارفة فين!!! طبعا خدوده
عموما برضو جاتني هدايا ثانية ومحدش يقر ولا يسأل الهدايا دي ليه هم شايفني ملحوسة في قعر الحياة فحبوا يهشتكوني شوية فيها حاجة دي؟!
يشكروا طبعا وعلى رأي عم عبعزيز الشكر لله وحده مرقق قلوبهم عليا
وعشانا عليك يا رب شبشب وصندل صيفي
والكلام يجر كلام
الحاجات دي فكرتني بهدايا مختلفة جاتني في حياتي
إلا هيا الناس بتهادي بإيه؟؟!!
أوحش حاجة أما حد يقولي نقي هديتك وأنا أدفع.....رخامة وجليطة رغم طيبة القلب
ساعات كانت الهدايا كتب طبعا ندموا أشد الندم بعد ما عانوا تأثيرها على دماغي ما عدش حد يهاديني بكتاب احتمال يكونوا بيدوروا على أستيكة
أقلام للكتابة.... مش حاجة ثانية, شنط بالهبل أصل معروف حبي للجلديات
هدوم طبعا عشان ما أكسفهمش أمام المجتمع
حبيبتي على طول طبعا حاضرة الشيكولاته
فناجين قهوة ومجات ميتعدوش منهم واحد من ثلاثة فالنتين فاتوا أمامي بلفته الحمرا ومن غير يمين من واحدة من الانتيمات بتوعي يعني حريمي برضو!!!
حاجة مكسوفة أقولها لكن أمري لله أنواع مختلفة من الصابون
الغريبة بقى كم الدباديب والحاجات المحشية الي بتوصلني أخرها في عيد ميلادي مش هقول الكام النهاردة ممكن وقت ثاني وعشان الرقم كبير كان الدبوب لونه أزرق خوفا عليا من الحسد
جاتني هدية مكتوب عليها سبحان الله...تفتكروا كان قصدهم حاجة؟؟ عموما طبعا أنا أعجوبة من خلق الله تستثير التسبيح فسبحان ربي العزة سبحان ربي العظيم
سمعوني بقى ساعات هداياكم

ساعة حزينة

اليوم ساعتي حزينة؟؟!!

سكينة أراها اليوم حزينة ولا استطيع مساعدتها...

تؤلمني الآلام الناس ويصبرني عليها أنها من رحمن رحيم..

لا يعني هذا أني بلا الآلام.. ......ولكن الآلام.. الآخرين تبكيني أكثر من ألآلامي!!!!!!

حسنا تقول معالجتي أن هذا بسبب تدني مفهومي لذاتي-مش بحبني بالبلدي- فأرى أني استحق الألم بينما أرى الآخرين أفضل مني ولا يستحقون ما أتعرض أو ما يتعرضون له من ألم؟!

لا أعرف شيئا مما تقول وإن كان صوابا أو خطأ!!!

أكره طريقتها في التحليل المنطقي للأمور المختلفة......

تظن خاطئة أنها تجعل الأمور أفضل بالتحليل ولكنها تجعلني أشعر بالمزيد من السوء.

طبعا ما زلت أفكر في بعض الساعات أن أغيرها.

يقال أن الألم كالنار تشكل المعادن ولا تغييرها.....

وأقول لكم تعبت من كثرة انصهاري وإعادة تشكيلي.

لم يعد يعنيني بكثير أي شكل أكون هواء.... أو ماء..... أو غاز... صورة أو حتى ذكريات.

أسعى إلى شيء من الثبات فمن كثرة ما تعرضت للتشكيل والتغيير الإجباري فقدت عنصر الرغبة في التغيير وغابت من خريطتي الإثارة لأي جديد.

سبحان الله ما أرحمه وما أكرمه تغلف رحمته الدنيا كلها وكرمه يعم الكون ومع ذلك ففي لحظة الألم تعمى عيوني إلا عنه.

كلنا يحزن وكلنا يتألم وأكثر ما يثير الألم أننا نسبب المزيد منه لبعضنا .

ألا يجدر بمن عاش ساعات الألم أن يرحم غيره؟؟؟ ألا يجب أن تعلمنا ساعات الحزن أن نقدر الفرحة؟؟؟

ومن ساعات الألم عندما يرميك قدرك في طريق آخر ممن من الله عليهم بظروف سوية.

يا سلام يا لللللي .

ساعتها أتمنى من كل قلبي لو كنت بعرف أشوط

أنما للأسف الشديد ما ليش في الرياضة

نظريات وكلام مثاااالي يخنق والله يخنق بجد هو الكلام صحيح بلا يدين ولكنه حبل خيالي.

يا ناس يا هو ارحموا من في الأرض يرحمكم من في السماء.

أكثر ما يصدق عليهم قوله تعالي قولهم "إنما أوتيته على علم"

ويعلم الله أنه لولا مشيئته سبحانه لما وصلوا لما وصلوا إليه.... يتحدثون عن أرزاق عن أولاد عن أزواج .

وسبحان العاطي الوهاب

الساعة دي أنا مفروسة والله بجد

وهل يملك الإنسان سعادته فيختار الشقاء؟؟

نسيت الناس أمور كثيرة منها أن السعادة والشقاء من ضمن قضاء الله على عبيده مثل أعمارهم لا يصلون إليها إلا إن شاء الله

ونحن نريد والله يفعل ما يريد.

المهم الرحمة حلوة والرحمة قدموها على العدل خليكو حلويين وحنينين كحال المغرمين.

الناس المغرمين بيكونوا حنين بيخافوا عالشعور....... يا ه يا مطلب أين أنت وكاتب كلماتك من زماننا.

لا مغرمين ولا غيره استخدم عقلك توصل للي أنت عايزه .... ماشي أنا عايزه عقل ثاني وبخت ثاني ولو مفيش مانع عمر ثاني... عقلي بيقولي كدا.

تصدقوا أنا ما عاد عندي عقل احتمال اعمله ساندويتش إيه رأيكم أنما هيضر بالنظام الغذائي العالمي.

ومالو نفكر ثاني.

حد قالي إني كئيبة وليس سكينة الحد دا مش وحش إنما من غير زعل من المسعدين اللهم لا حسد.
م. اسم الصورة تراجيديا يونانية!!!معرفش ليه يونانية مع أنها شبهنا خااالص يكونش ده سبب تعبنا
تايهن في غير مكاننا

ساعة كلام في الهوااااا مش الهوى

لا تستمد سعادتك من الآخرين....فهم قد يخذلوك!!!

الكلام من الناحية المنطقية جميل إنما من الناحية التطبيقية صعب حبة أو حبتين.

والرسول عليه الصلاة والسلام قال إن تخالط الناس وتصبر على آذاهم خير من إلا تخالط الناس ولا تصبر على آذاهم.

ويظهر الأذى في العمل أولا وفي الأسرة ومع الجيران والترتيب ليس حتمي يعني ممكن يكون في حالتك مختلف عن حالتي...... ممكن نقول أدام حاجة تهمك تبقى ممكن تتحول لمصدر أذى ولما ضاقت حلقاتها فرجت وكنت أظنها لا تفرج.

هي كانت ضاقت ولا أحكمت عشان الأمانة الأدبية وعيب يبقى شكلي مش مسخف

قصدي مثقف

عادي لو كان الكلام كلام مجانين
وأما انتهت حاجتي من جارتي بقيت اعدي من جنبها من غير سلام يا سلام على الأمثال وعلى محمود تيمور.
وخالتي وخالتك وتفرقوا الخالات.
طب ويتفرقوا ليه!!!!
عشان يتعرفوا على خالات جديدة طبعا!! أحسن تفتكروا أنهم مكتئبين ولا حاجة...
عموما زى ما تحبوا اختاروا التفسير الأقرب لكم.
المهم خليكم فاكرين لا تستمد سعادتك من الآخرين وخليك كده زى حالاتي قرد قطع!!!!
يعني ساعة ما تلاقوا حد يعبركم اسجدوا لله شكرا.
وان البشرية طنشتكوا استغلوا خمسا قبل خمس....
يعني اعمل حاجات مفيدة قبل ما يرجعوا يفتكروا طريقة جديدة كي يستغلوكم بها
مهو أنت أدام فيك الرمق لا بد من أن تكون مفيد.
وساعتها مش هتكون قرد قطع إنما مستغل.
يا ترى ماذا نختار!!!!

والله يخليكم محدش يقولي كوني وسط
زهقت وتعبت وعموما إحنا ندعو اللهم اجعلنا من أهل اليمين ......وعليه بلاش حكاية الوسط في المشاعر

أصل الوسط في التعامل ممكن
إنما في المشاعر....عجزت وفشلت بأن أكون وسط فأنا يا أبيض يا ورد.... يا أسود يا ليل السهرانين!!!

ماشي أنا مش ناوية أسهر أنا هنام بدري وأفوت نصيبي من الليل للي عايز يسهر أو مازالت لياليه بيضاء

ساعة في فرح

جزم ..جزم ...جززززززززززم كثيرة قوي
أشكال ألوان إنما مش ماركات
ومقاسات وأحجام من 37 لغاية 46 معظمها غاااامق
وهنا تعرف الريحة الحقيقية أصل
Escada & Givency
مش بتوصل للحتت دي والريحة التي تشمها تبقى حقيقة البني آدم من نوعية الحقوق محفوظة
دي كانت ساعة صرصار بيحكي فيها لصحابه عن فرح كان معزوم عليه
أنا بقى مبروحش أفراح
أيوه صح .... عشان الريحة طبعا

ساعة خلط

ذنبك إيه؟؟ لسه بتسأل؟؟؟!!! هو بعد الحب ذنب!!!
هاؤ...... حياتك ألوان كوري هتبهت عليك وتسيح
ليه؟؟ الغولة بتحبك!!!
وتبقى الأغنية بعد التعديل
ذنبك إيه؟؟ يجاوب الكومبارس الغولة بتحبك!!
وما له أهي كلها مصائب ومصائد في الشارع أو الحياة
والعيال بعد كده يجروا وراك في الشارع ويقولوا
حبيب الغولة أهو أهو يا ولاد....
ساعتها موقفك بجد وشكلك مش هيكونوا قد كده وبريستيجك هيبقى ضحل خالص!!!
ومن غير زعل ولا حساسية أو حشرية مين الغولة دي؟؟
يا ترى الغولة دي أمك؟؟ وطنك؟؟ أمنياتك؟؟
مش أنت يا قلبي اللي جريت عليه؟؟!!! أشرب دموعك بكاس طموحك.
هل تستطيع الفرار من الغولة؟؟؟؟؟؟؟؟؟؟؟
سؤال صعب أتمنى تلاقي حد في ساعة زهزهة يفيدك ويجيبك!!!!! عن نفسي سأحاول وأبذل جهدي.
لو كانت الغولة أمك فهذا يعني أنها وطنك ولا أحد يستطيع الفرار من وطنه, ولو تركته وهاجرت فستحمله معك أينما ذهبت فوفر ثمن التذكرة والهدة في الشيل والحط والوقفة على أبواب السفارات من أجل الفيز والإجراءات.
طب إن كانت الغولة أمنياتك؟؟!! تقدر تسيبها وتكمل من غيرها حياتك؟! هتجيب أمنيات جديدة وتبقى من ثاني غولة جديدة في حياتك.
عارفة أنك خايف من الغولة لكن الموضوع خرج من إيدك وبقى عندها وباينها كبرت في دماغها وكان الله في عونك وبتسأل إيه ذنبك ؟ الغولة ببساطة بتحبك!!
مش تزعل شوف الناس حواليك كل له غولة تطلبه وهو ينادي يا مغيث..... اللهم آمين.
فاكر لما كنا صغار نبكي خوفا من الغولة؟ كانوا يقولوا لنا أن اللي الغولة بتحبه يبقى يا بخته ساعتها مش هتمسه بسوء......
يبقى حب الغولة بختك ولا ذنبك؟ فكر في ساعاتها وساعاتك!

ساعة الفكر العربي

"فوفانا" لقد صدقت إن العقل العربي معطل حتى عندما يحاول أن يعمل!!!

كلما قرأت أو سمعت "معرفي وعقلي" أو "شغل دماغك ولازم نفكر" وغيرها من الصرخات التي تحاول أن توقظ العقل العربي من سباته وتدفعه للعمل كمن يدفع بالجهد الذاتي عربة معطلة أو ح.... على مرتفع
تثير هذه المحاولات ضحكي!! وانتو عارفين يا جماعة إن ضحكي أمر نادر!! لماذا الضحك؟؟ ربما يا جماعة كان سبات العقل العربي هو النعيم نفسه فلا داعي لأن نوقض الوحش والشر اللي عرفناه أحسن من اللي لسه جاي
لنراجع معا بعض نماذج عمل العقل العربي و كيف نفكر......
إن كان طعم الدواء مرا علقما يزيدك سقما أجابك العقل العربي أنه أكثر فائدة فكيف يفيدك ما هو حلو الطعم!!!
لو شكوت ألم جراحك أجابوك دليل على قرب شفاؤها كيف تؤلم لتشفى!! لا أعرف إنما هو تفكير عربي وإجابة عربية نموذجية بالتأكيد!!
لماذا يصرخ في وجهك؟؟ طبعا لأنه يحبك لو لم يكن كذلك لما اهتم لما يكون عليه حالك!! ألا يستطيع أن يحب ويهتم دون صراخ وجلافة؟!! لا إجابة لدى العقل العربي
أي التهاب بكتيري دليل أكيد على قرب الشفاء!!! اسألوا من يعاني من التهاب وتورم ضرسه من شهرين متفائلا سعيدا بتفكيره العربي بدليل قرب شفائه!!
كيف تتصرف مع أداة توقفت عن العمل؟؟ كن عنيفا معها واخبطها على الطاولة أو بيدك لو كان ربنا ممدك في صحتك شوية عنا!!!
لماذا يرى العقل العربي في الظلمات نورا وفي الألم بشارة!!!
هل مخزوننا الفكري أحداث سلبية مؤلمة ولتخلص منها ومن واقعنا المرير لجئنا للصبغات الزاهية بكره أكيد أجمل..... والدنيا بمبي.. ...وقفلي على كل المواضيع....وتبات نار تصبح رماد

أمثلة كثيرة يدعمها الفكر العربي فيحول سوادها ضياءا وبهجة ومرها حلوا أبعد كل هذا نرغب في يقظة العقل العربي
قد يكون من الأفضل عدم محاولة تشغيله واحتمال حد بتاع روبابكيا يدفع فيه سعر حلو أكثر من لو كان شغال
غرقني غرقني في العقل العربي وتحدي فقط على مستوى السمن البلدي.
في انتظار نماذجكم من عمل ومبررات الفكر العربي لما يشتغل ساعات.

ساعاتي

اسمي سكينة بفتح حرف السين وإن كان الشائع في العامية هو الضم ولعله مؤشرا لحاجة البشر للحنان والأمان والاطمئنان الذي يبعثه التواصل الجسدي بعيدا عن الرغبات الحسية, أعني أن ضمهم لاسمي إشارة لحاجتهم الشخصية للضم.ما بين ساعاتي وساعاتي تكون هناك حالة من السكنية ساعات فرح .. وساعاات حزن أو لنقل أسىمن وجهة نظر المختصة التي أتابعها فأنا أعاني من الاكتئاب الدوري ولا علاقة لأحداث حياتي في تغير مزاجي فهي فقط كميائية دماغي!!!!!مما يدفعني أحيانا إلى التفكير باستبداله بدماغ من نسخة أحدث وأكثر تطوراولكني أتوقف وذلك لأن كل متابعاتي لإعادة زرع الدماغ غير مشجعة, وأكثر ما كف سلوكي كان بحثا منشورا عن إعادة زرع رأس لقردة ......والحقيقة أن عملية الزراعة قد نجحت ولكن القردة أصابها الشلل الكامل بسبب القطع الذي حدث في النخاع الشوكي...إذن علي أن أختار ما بين الدماغ الجديد وما بين القدرة على الحركة!!!!وقضيت ساعات أفكر في القرار وعندما استعنت بطبيبتي قالت فكري جيدا فأنت صاحبة القرار، هل هناك ما يضمن بأن النسخة الجديدة ستعمل جيدا مع جهازك؟؟؟ أم أن القدرة على الحركة تكفل تزويدك ببرامج جديدة (لؤم ونفاق) تزيد من كفاءة دماغك القديم؟؟قضيت ساعات أفكر وأفكر ولم أصل إلى قرار حتى هذه اللحظة أم يا ترى أن استمراري في الحركة دليل على اختياري التزود بمزيد من الخبرة دون أن أدري أني قد اتخذت قرارا؟؟ وطبعا هذا واحد من عيوب دماغي التي أكرهها فهو يتخذ القرارات دون الرجوع إلي !!!!! وعندما أسأله ساعات لماذا؟ يجيب ببراءة أنها قرارات من نوع البوب أب فهو لا يسيتطيع أن يسيطر عليها ولا أن يوقفها ولا تفيده كل برامج الحماية والأوامر التي أزوده بها!!!في مثل هذه الساعات قررت أن أتحدث معكم عل منكم من يشاركني ساعاته التي تشبه ساعاتي.

تحذير من وزارة الصحة:على من يعاني من ارتفاع ضغط الدم أن يتوقف عن متابعة كتاباتي حيث لم يثبت بعد ما إذا كانت مخففة للضغوط أم أنها تسببها... أرأيتم أنها ساعات وساعات.

دحرجة التماسي

هذه أنا وقد يرى البعض أن التعريف مفروغ منه ولكن لي طرقي التي لا أستطيع أن أخالفها ولا أعرف إن كنت أريد أن أخالفها. تحاصرني في هذه اللحظة رغبة ترافقني من طفولتي بأن يكون هناك من يساعدني وأكيد واضح ما زال قدري أن أسلك الطرق الصعبة أو التعلم الذاتي....... نسيت أقول أنا سكينة حالة نفسية من فضلكم مش أداة من أدوات المطبخ أو تخليص البايت في القلوب وللحديث بقية إن نجحت المغامرة.