كنت أظن الريح جابت عطرك يسلم علي
كنت أظن الشوق جابك تجلس بجنبي شوي
كنت أظن .. وكنت أظن.. و... خاااااب ظني
!!!!!
معلش ما تزعلش
أيظن؟؟ أيظن؟؟ تري تري
اسم فيلم كان نازل من مدة وغالبا مش هشوفوه لكن دعايته تحاصرني والأولى كلمات أغنية محمد عبده الأماكن كلها مشتاقة لك
أنا أيضا كنت أظن
هناك نفي صريح عن الظن وضرورة الإعتماد التام على الحقائق
!!!
طب أعمل إيه؟؟؟؟ مهو أنا لو لاقية حقائق أو حتى بيانات مش هأظن
العالم يرقص اعزائي ويتراقص والرؤية غير واضحة ولا أسهل من تغيير مسميات الأشياء وزي ما بيقول المثل " عنزة ولو طارت" فرغم الحقيقة القديمة القائلة بعدم مقدرة المعيز على الطيران تجد من يحاول إقناعك بإمكانية ذلك
العادي أن المعيز لا تطير لكن معزتهم سبحان العاطي الوهاب بقى يا أخي خارقة وقادرة على الطيران
!!!!
في هذه الساعة خياراتك محدودة..... يا إما تتخانق وتقول بالفم المليان لاءه بقى..... لو طارت تبقى مش معزة اساسا أو تعك الدنيا وتظن في بعض المسلمات وتقول احتمال برضو!!!! وأدام المعيز أصبحت قادرة على الطيران أظن أنا بقى براحتي أن الصداقة قد تكون الشيء الوحيد بين رجل وأمرأة!!! وكنت أظن الخير ينتصر دائما!!! كنت أظن الطيبين أكثر سعادة!!!! كنت أظن الناس حلوين!!! كنت أظن أني واضحة جدا ولن أدخل دائرة الظن
باختصار اكتشفت إن حالي من حال محمد عبده كنت أظن وكنت أظن وخاااااب ظني في حاجات كثير وناس أكثر
أنتو بقى ما ساعات الظن عندكم
؟؟؟؟
وعشان نفتح اللون الغامق نقول إيه الساعات التي لم يخب فيها ظنكم
14 comments:
صباح الخير .. لان الدنيا صبح عندي الان..
كانت في اغنية نغنيها لاغاظة بعض في المدرسة "ما ظنيت انك تنحج في العلوم" ولها لحن مستفز ، يعني الظن موجود وسبب الظن هو الشك اساسا "انا اشك اذا انا موجود" يعني لو كنا متأكدين ما ظنينا .
سلام
الظن من الفطرة
وبين الظن والحقائق وصلة ورابط صداقة
وكل منهما يوصل الى الاخر
بس فية ناس بتقول انة انواع لكن بعض الظن اثم
تحياتى
bgd so great :D.i like it so much we eleslob 7elw awi.hope u see my blog and give ur comment ;)
انصحك انك تدوري على فيلم اسمه نادي القتال ..لو شوفتي الفيلم ده عتوصلي لمرحلة انك تشكي في تصرفاتك ...وفي شكلك ..وفي افكارك .. هتوصلي لمرحلة انك تقوللي كنت اظن نفسي كذا ..كنت اظن شكلي كذا ..كنت اظن افكاري كذا ..كنت اظن كنت اظن كنت ...
انا محمد عبد اللطيف من مدونة الصيف الهندي الف شكر على تعليقك على تدوينة صديقي احمد .. انا هتابعك واتمنى انك تتبعينا .. مستني رايك في التدوينة بتاعتي ..قصاصات قابلة للحرق
http://elsaifelhendy.blogspot.com/
اهلا
تعرفي
أنت لك روح فى سرد القضايا لم أحسها فى أحد قبلا
حقيقي بلاغة الموضوع تنبع من طريقة تناولها له
انا هنا اليوم لأحييك على هذه البلاغة والمرة الجاية نشوف حكاية ايظن دى
تحياتي
tina
يسعد حياتك كلها إن شاء الله
وأنا أضم صوتي للأغنية الطفولة وما أظن أني أنجح في اي حاجة ثاني ويا ريتها جت على العلوم بس
:)
إذن الشك صورة من التفكير ... ولسه ثاني هنفكر طب انا تعبت من الظن والتفكير
tamer nabil
الظن القائم على مؤشرات يبقى فطنة فالمؤمن كيس فطن مش لازم أستنى يعني أما أسمعها بوضوح متجيش بكرة ولا إيه رأيك؟
saken_asly
متشكرين وحصل يا فندم
saken_asly
ندور عليه في الصيف العربي مش الهندي وإن شاء الله تحصل الزيارة قريبا
حاول تفتكرني
أشكرك على كلماتك اللطيفة لا وده فقط المتبقى من سنين الكبت والقمع واللي كانوا بيسموها ملاسنة وهي زي ما انت شايف غصب عني
:)
منورنا
لقد خاب ظننا في امور كثير وعديدة لا حصر لها
لدرجة اني اصبحت لا احصرهم الان
.
.
الاولي بك الان ان تساليني ماهي اللحظات التي اصاب فيها ظنك
.
.
تحياتي والسلام
تحياتي للمقال الرقيق
و لكي
sampateek
العفو أنت الرقيقة حقا
وشكرا على الزيارة
آدم المصري
أنا فعلا سألت السؤال ده في آخر سطر
فحالي من حالك من كثرة ما خابت الآمال والظنون لم نعد نحصيها
لكن مين عارف ممكن تتغير الأحوال بعد ما جنابك بقيت كابتشينو
:)
ليه يعني
ما في معيز بتطير
و في فانلات بتطير كمان
:))))
اوروفوار
يا سلااام
ايه الرقة دي؟
مش زي ناس
الله
هما فوقي؟؟
اول زياره ليه عندك و اكيد مش الاخيره يا قمر ...تحياتي
عزيزتي طهقانة
ما أنا كنت أظن بعض الأمور ثابتة اتاري يا أختشي فيه مدونات كمان بتطير
معقول الكلام ده
:(
مسيو طقهان
منورني حقيقي وسبب أنك اكتشفت رقتي أنك متعود عليها من طقهانة ولا أنت لك كلام ثاني
:)
انتظار مؤقت
تنورنا يا بيه ويارب انتظارنا يبقى حقيقي مؤقت
مش من ضمن الظنون اللي خابت واللي باين لسه هتخيب
:)
جميلة اوى بجد يا سكينى والظن رغم انة سوء فطرة الا انة ضروروى فى احيان كثيرة
Post a Comment