أعزائي المدونين والزائرينأشكر كل من سأل علي وعبرني وقالي أنت فين
انا يا جماعة هنا... أكدح في الحياة وزي ما أنتو شايفين أكل العيش صعب والدنيا آخر نشفان والمضطر يركب الصعب
إإإيييييييييييه أقول إيه أنا ولا إيه خليها على الله
ممكن يخطر في بال أي حد أنا مين فيهم البيضا ولا السمرا والا الدلوعة الي على الجنب...عن نفسي مش شايفة فرق بينهم كلهم متلحوسين وكادحين في الحياة
كل سنة وأنتو طيبين ورمضان كريم علينا أجمعين ودعواتكم محدش يفكر يهز الشجرة أحسن الحدوتة مش طالبة
مع العشر الأواخر أجد ريحة الكحك والغرييية وترن في أذني حواديت زمان وشوق زمان...... للفرح...... ولبكرة لما نكبر
14 comments:
الصورة فعلا معبرة
طبعا
المضطر يركب الصعب
كل سنة والكعك طيب
تحياتي
الاستاذة
ياة ازيك يا بنتى ...
كل سنة وانتى طيبة وبخير..
وربنا يكرمك دايما ويوفقك
هادعيلك
ههههههههههههه
ساعات كدح وانتي عماله تكدحي
هههههههههههههههههه
عليا النعمه انتي اكدح واحده شفته في حياتي
هههههههههههههه
كدحه كدحه يحني
تعياتي
ههههههههههههههههه
حاول تفتكرني
متشكرين للناس اللي بتقدر الظروف الصعبة
:)
وكل سنة وأنت في ذاكرة من تشاء باقي وراسخ
وطيب وسعيد
منورني
الغزالي باشا
أنا تعبانة من الكدح لكن الحمد لله لسه قادرة على المزيد منه
يا رب يكرمك بدعاك ليا ولك مثله إن شاء الله مقدما
وكل سنة وأنت أيضا بخير وأكثر سعادة ورضا بما قسم الرحمن
دكتور الجوهري
سعادتي كبيرة باكتسابك صديقا لنا في ساعاتي
وصدقني أنا فعلا كدحاء تماما من كثر الكدح والمكدحة
ومش قادرة أقولك أكثر من كده ليقولوا بتشتكي
:)
كل سنة وأنت طيب ومشرق وسعيد وتفضل تطل علينا بين فيناتك القصيرة
منورنا بضحكاتك المفرحة
الأخت سكينه
انا الاسعد والله ببقي سعيد جدا لما الاقي حد اسلوبه كويس في التدوين بحب اقرأ مواضيعه وبحب أعلق علي المواضيع لان ده بيشجع الكاتب علي فكره ما يحسش بفرحه الكومينت الا اللي بيكتب موضوع ويجيلو كومينتات هايله
كل سنه وانتي طيبه وبألف خير
علي الهامش
انا عاملي مدونه صغيوووره كده علي قدي مش قد مدونتك العملاقه بس اهو بنتعلم وبنحاول نوصل
ابقي تعالي زورينا وازقلينا بكام كومينت من الحلوين دول
ودمتي بسلام
طب ولحد امتى ياسوسكا ؟ هييجى يوم ونرتاح ونخرج من طبقة الكادحين وندخل على طبقة المرفهين ؟ ولا هنفضل نكدح ونكدح لحد مانطب ساكتين ؟ربنا يدينا ويديكى الصحة .
أه نسيت أقول حاجه لحاول تفتكرنى : المضطر يركب المترو
هنركب الصعب طبعا انتي مستعجلة ليه..والنطرية التشاؤمية بتقول ان الصعب في الي اصعب منه..يعني اديها شوية صعوبات مش هتفرق كتير
وحشتيني كتير على فكرة
وكل سنة وانتي طيبة
أهم حاجة بس أن ربنا يجيب تعبنا بفائدة
بس هم المعيز بيكدحوا فى ايه فوق الشجرة ؟؟؟
وكل سنة وانت طيب
وتحياتى لك
دكتور الجوهري
ناوية والله لكن لما اكون في مزاج حلو وخليك قد كلامك مش ترجع تزعل زي غيرك من تعليقاتي انا بقول على نفسي الي بيجي في بالي ومش برحم حد ولا نفسي كمان يا حياتي
تحياتي ولنا لقاء بين سطورك ان شاء الله قريبا
:)
shark
احمد يا صديقي حتى المرفهين تعبانين وقلقانين على رفاهيتهم
:)
مفيش حد مرتاح فعلا في الحياة الراحة الي بالي بالك مش موجودة غير في الأحلام التي نسعى لها
أما لمتى الكدح ؟ أسفة لكن ربنا قال حتى نلاقيه هناك يوفى الصابرون أجرهم بغير حساب
هناك مقولة أحبها جدا تنسب لأحد الصالحين بأن شبشه قطع فقالوا نجيب واحد صناعة صينية قالهم لا إن الجنة قريب
وأنا دائما أصبر نفسي بأن الجنة قريب وبلاش الصناعة الصينية
:)
أحمد خليها على الله احنا أحسن من غيرنا كثير وكويس أننا قاردين نشوف ونمشي لغاية المترو الحمد لله
أنت محتاج تراجع ساعة حمد
كل سنة وانت طيب وأكثر سعادة يا رب
بيسووو العزيزة
انا مش مستعجلة أنا بس كنت تعبانة وغبت علي صحابي فقلت أقولهم أني متلحوسة في الحياة
وأنتي كمان والله عموما بكرة تروق وتحلى وبعدين ترجع تشد ثاني
وما بين الشدة والشدة تكون السكينة
:)
تائهة في أرض الأحلام
لو صحيتي من التوهان هتشوفي أن الأرض تحت ناشفة مفيش اي حاجة تتاكل فطلعنا فوق الشجرة ندور على حاجة تتاكل مش زي عبدالحليم طالع فوق الشجرة هو والي جابوه عشان يحبوا
يعني كله أكل عيش سواء بالتدريس أو الرعي فوق الشجرة
وأنت بألف خير وعافية وسعادة غامرة إن شاء الله
ووتكون الأحلام الي انت تائهة فيها خالية من الكوابيس
تحياتي ومنورانا
:)
مش لوحدك علي فكرة انا كماااان
متشكرين علي الزيارة ونورتيني
وابقي بين الفينة والفينة.... هاف ألوك
هههههههههههههههههه
خليكي كدحة بقا زي ما اعتدنا اننا نشوفك
وكل سنه وانتي طيبة
Post a Comment