سلام ؟ ايه الي مسهرك لغاية دلوقتي؟؟ مش عاويدك يعني!!
صرصار:( كنت نايمة وصحيت لقيت صرصار في الأودة مش قادرة ادخلها ثاني
اطلبي مساعدة
كله نايم........ بدعي ماما تعطش أو تروح الحمام
أما صرصار وقح بصحيح ازاي يدخل على البنات وهم نايمين كده من غير احم ولا دستور
صدقيني كنت في سابع نومة معرفش ازي فتحت عيني لقيته بيبرقلي
بيبرقلك؟؟!! هو فيه سابق معرفة معرفش عنها
أنت عارفة كل أسراري منين يا حسرة
اطلبي مساعدة
كله نايم........ بدعي ماما تعطش أو تروح الحمام
أما صرصار وقح بصحيح ازاي يدخل على البنات وهم نايمين كده من غير احم ولا دستور
صدقيني كنت في سابع نومة معرفش ازي فتحت عيني لقيته بيبرقلي
بيبرقلك؟؟!! هو فيه سابق معرفة معرفش عنها
أنت عارفة كل أسراري منين يا حسرة
لمس عليك بشواربه قلق نومك أو كان سرحان في جمالك بيفكر في الأميرة النائمة وازي الأمير صحاها في حكايات المكتبة الخضراء
يا حسرة منين يا قلبي أكيد أنا آخر اهتماماته، أنت سهرانة ليه
لا أنا ده الطبيعي بتاعي مش عايزة أنام وأصحى ثاني دوشة من غير لازمة واغسل وشك وسنانك وسرح كديشك قصدي شعرك وأقرأ ورد الصباح ما انا لسه قارية ورد المساء
مش عارفة اعمل ايه
لو خايفة بجد صحي طنط عادي أكيد هي متعودة على عمايلك السودا
تفتكري اصحيها ولا استناها تصحى من نفسها
مفيش داعي تضيعي وقتك وراك شغل بعد شوية روحي صحيها عشان تلحقي تنامي شوية
إلا لو حبيت تغيري شوية من أسلوبك في الحياة وبدل السلبية تهاجمي الصرصار بنفسك صدقيني هتحسي ببهجة الانتصار
أنت عارفة أني على طول بفكر أبقى شجاعة بس مش بالساهل مش هقولك على الرعب اللي شلني أول ما فتحت عنيا لقيته بيبصلي
سمي باسم الله واشربي حبة مية يا بنتي ده حتة صرصار لا راح ولا جه أي نعم مقرف لكن ضعيف
عموما أنا قرأت عليه أعوذ بكلمات الله التامة من شر ما خلق
بجد طب هو كده غار من العمارة كلها قومي يا بنتي نامي
تفتكري كده
أكيد فضل الدعاء لا يستهان به ثم احنا في الثلث الأخير من الليل يعني ربك ينادي أصحاب الحاجة في السماء الدنيا وان شاء الله هينصرك على الصرصار
طب وانت سهرانة لغاية امتى
مش كثير خلاص انا كمان هنام مش ناوية نتقابل
أنت وحشاني ولازم نفضي نفسنا ساعة
واحتمال نقابل حد أمور
مش عايزة أحبطك لكن حظنا في الناحية دي معروف
أنا بهرج وأنتي عارفة رأيي في الحكاية دي هم حاجات ميجيش من وراها حاجة تسر البال غير القلق والنكد
زي الصراصير؟؟
لا الحقيقة أكثر شوية الصراصر مخلوقات مسالمة وممكن تموتيه دون أي شعور بالذنب
الصرصاااااار ........ ماااااااااااات
مات ازاي؟؟ مات امتى؟؟ وفين وازي!!!! يعني هو كان عيان وبيستغيث وانت هربتي من نجدة محتاج
فاتك الأجر يا بنية
محمد موته
يا حسرة منين يا قلبي أكيد أنا آخر اهتماماته، أنت سهرانة ليه
لا أنا ده الطبيعي بتاعي مش عايزة أنام وأصحى ثاني دوشة من غير لازمة واغسل وشك وسنانك وسرح كديشك قصدي شعرك وأقرأ ورد الصباح ما انا لسه قارية ورد المساء
مش عارفة اعمل ايه
لو خايفة بجد صحي طنط عادي أكيد هي متعودة على عمايلك السودا
تفتكري اصحيها ولا استناها تصحى من نفسها
مفيش داعي تضيعي وقتك وراك شغل بعد شوية روحي صحيها عشان تلحقي تنامي شوية
إلا لو حبيت تغيري شوية من أسلوبك في الحياة وبدل السلبية تهاجمي الصرصار بنفسك صدقيني هتحسي ببهجة الانتصار
أنت عارفة أني على طول بفكر أبقى شجاعة بس مش بالساهل مش هقولك على الرعب اللي شلني أول ما فتحت عنيا لقيته بيبصلي
سمي باسم الله واشربي حبة مية يا بنتي ده حتة صرصار لا راح ولا جه أي نعم مقرف لكن ضعيف
عموما أنا قرأت عليه أعوذ بكلمات الله التامة من شر ما خلق
بجد طب هو كده غار من العمارة كلها قومي يا بنتي نامي
تفتكري كده
أكيد فضل الدعاء لا يستهان به ثم احنا في الثلث الأخير من الليل يعني ربك ينادي أصحاب الحاجة في السماء الدنيا وان شاء الله هينصرك على الصرصار
طب وانت سهرانة لغاية امتى
مش كثير خلاص انا كمان هنام مش ناوية نتقابل
أنت وحشاني ولازم نفضي نفسنا ساعة
واحتمال نقابل حد أمور
مش عايزة أحبطك لكن حظنا في الناحية دي معروف
أنا بهرج وأنتي عارفة رأيي في الحكاية دي هم حاجات ميجيش من وراها حاجة تسر البال غير القلق والنكد
زي الصراصير؟؟
لا الحقيقة أكثر شوية الصراصر مخلوقات مسالمة وممكن تموتيه دون أي شعور بالذنب
الصرصاااااار ........ ماااااااااااات
مات ازاي؟؟ مات امتى؟؟ وفين وازي!!!! يعني هو كان عيان وبيستغيث وانت هربتي من نجدة محتاج
فاتك الأجر يا بنية
محمد موته
:)
محمد مين يا بت انتي
ابن اختي بايت عندنا صحيته يخلص الموضوع
نفسي أغير شغلي
عايزة اتجوز
على كده أنا عايزة أخلف
اسكتي مش ليلى علوي تجوزت هي 44 والعريس 60
بجد هي عزمتك
لا معملتش فرح بس أنا قرأت الخبر
يا خبر لازم نروح نبارك ونهني روحي نامي عشان تصحي على شغلك
مليونير مقيم في بلجيكا
عموما بلجيكا مصدر الماس الصناعي في العالم
أنت متشائمة متفوليش في وش الجوازة
يا بنتي لا وشها ولا بطنها ما لناش دعوى كفاية ربنا استجاب وخلصنا من الصرصار الليلة دي نحمده ونشكر فضله لا ينسانا أبدا من النعم مهما كانت قليلة فبعض الندى يرطب القلوب
الحمد لله تصبحي على خير
وانت من اهله
ملحوظة فلحوسة: شات مع انتيمتي ربنا يكرمها ويبارك فيها دعواتكم يا جماعة ولكم مثل ما قلتم بعد ما مشيت بصيت لقيت الحوار محبوك ومضحك زي اثنين مساطيل وقلت وما له أفك عنكم شوية....... ونزهزه اللون
محمد مين يا بت انتي
ابن اختي بايت عندنا صحيته يخلص الموضوع
نفسي أغير شغلي
عايزة اتجوز
على كده أنا عايزة أخلف
اسكتي مش ليلى علوي تجوزت هي 44 والعريس 60
بجد هي عزمتك
لا معملتش فرح بس أنا قرأت الخبر
يا خبر لازم نروح نبارك ونهني روحي نامي عشان تصحي على شغلك
مليونير مقيم في بلجيكا
عموما بلجيكا مصدر الماس الصناعي في العالم
أنت متشائمة متفوليش في وش الجوازة
يا بنتي لا وشها ولا بطنها ما لناش دعوى كفاية ربنا استجاب وخلصنا من الصرصار الليلة دي نحمده ونشكر فضله لا ينسانا أبدا من النعم مهما كانت قليلة فبعض الندى يرطب القلوب
الحمد لله تصبحي على خير
وانت من اهله
ملحوظة فلحوسة: شات مع انتيمتي ربنا يكرمها ويبارك فيها دعواتكم يا جماعة ولكم مثل ما قلتم بعد ما مشيت بصيت لقيت الحوار محبوك ومضحك زي اثنين مساطيل وقلت وما له أفك عنكم شوية....... ونزهزه اللون
17 comments:
بصراحة فكيتي عليا انا شخصيا
حلو اوي الشات اللي اخر الليل بيبقي اخر مزاج
علي فكرة انا صاحب اول تعليق
ساعات الحاجات غير الرسميةولا المحبوكة هي الحاجة الوحيدة اللي بتفك عننا شوية في دنيا الحبال ملياها عقد
:)
الحبال والعقد طبعا أنت عارفها يا سندباد وطبيعي حضرتك تكون أول الرواد
تحياتي
السلام عليكم
يا سيدى ياسيدى على الفتيات اللى هتنجب لنا ناس تحررنا
عارفة لما بلاقى حد بيخاف من صرصار ولا من فار بقول له اعتبرة عدو جى يقتلك هتعمل ايه ان شاء الله
طبعا حضرتك هتقولى هارقع بالصوت الحيانى اطلب الاغاثة من الصليب الاحمر والامم المتحدة ويرسلوا لنا المدد ويجوا يقعدوا فى ارابيزنا لحد ما يعم السلام المكان ويخرج السلام بامان او يذهب الى البلاعة ةطبعا بعدها مش هيمشوا لانهم لازم يأمنوا المكان من اى صرصار أخر او حتى نملة تفكر تقرب من عرش السرير
تحياتى
سلام...
صراحة حوار رائع مش معقول يكون حصل، اكيد انتي مؤلفاه يا سكينه، معقول في حد لسه بيخاف من الصراصير??? يعني لو طلع لصاحبتك فار ولا اسد كانت عملت ايه؟؟؟ المهم كل الشكر لمحمد اللي حل المشكلة قبل ان تستفحل وتتدخل فيها الامم المتحدة على رأي صاحبنا الطائر الحزين.
مفاجاتك لا تنتهي يا سكينه
الله يبارك لك
تحياتي
اللى بحق يا سكينة"من غير عقد ولا تعقيد بلا قفيه" أزاي عرفت أنه صرصار مش
صرصاره
لامؤخذه
الطائر الحزين
متخفش لم يعد مستقبل الأمة مربوطا بي أو بصديقتي احنا اثنين قاعدين على جنب لا يتعدى دورنا المشاهدة لما يجري في الحياة
نادرا أنتقل إلى موقع المهاجم عندما أشاهد برص أتحايل عليه اقتله لأوصله سريعا للنهاية الحتمية لكل مخلوق فلينهي حياته بشهامة ويدعني أكسب بعض الحسنات
:)
tina
يقال أن أسمى إبداع هو ما يحاكي الواقع
لو طلعلها أسد مش هتلحق تعمل حاجة هياكلها هم هم وهي لذيذة فعلا وتتاكل أكل
:)
تحياتي
فوزي
سؤال ينم عن فطنة يا بني ونباهة ولإلتصاق دور المعلم بي سأشرح لك بإيجاز: فنقول أن البعرة تدل على البعير وأنا الأثر يدل على المسير واللي سهران لوقت متأخر من الليل بره بيته غالبا راجل لأن الستات أعقل من كده وبتروح بيتها بدري. ثانيا: لو كانت صرصارة كانت راحت تتسنكح في أودة الولاد مش عمالة تبصبص للبنات وهم نايمين. ثالثا لو كانت صرصارة كانت أكيد لم تواجه صديقتي فتبادلها البحلقة بعين واسعة ومدورة كانت لمت الدور وعملت نفسها جاية تستلف بنسة شعر .... أقولك إيه يا فوزي ..هناك أدلة كثيرة ترجح كفة أنه صرصار لا صرصارة لكن محتاجة ساعات ثانية
شكرا جزيلا على اللينك أكثر من رائع
منور يا فوزي
لا-- لو كان ما ذكرت أدلة — فأن في البعرة لمؤخذه التى تدل على البعير، ما يكفي لأنارة المحكمة وشواربها أقصد شوارعها الخلفية — ولكن لماذا بلا قافيه ألتصق دور" المعلم" بك وليس دور المعلمة يا معلمة
البلوج منور بك وأحباءك دامت لك ساعات السكينة
كل الود
فوزي
ود؟؟!! أنت مخليتش للود مطرح بعد ما فردت الملاية اللف وأنا مش ناوية ألمها ... مينفعش أبقى معلمة لأن معنديش منديل بأوية ينفع كده والصاجات أيضا مفقودة ولو موجودة معايا زي قلتها لعدم أتقاني صنعتها
:)
اعجبني منطق عادل حين قال أن من الشهامة والرجولة ترك سامية تنتصر ..ساعات
:)
وتقولي أنك عادي ...وأنت بالمطلق لست كذلك
أنا أيضا مثابرة فهل يجعلنا هذا من وجهة نظر الحكمة التوفيقية نظراء للصراصير
ليتنا نتجاوز المحن
خالص تقديري لمشاركتك ومشاغبتك
معلمة بالضم يا سكينة،غير معلمة من غير الضم
ودور المعلم يقابله دور المعلمة
وأترك لك فى هذا التقدير
ومش أنا اللي بقولك أناعادي ده محموددرويش
يقول
نحن الآن عاديون
عاديون، أو أقل أو أكثر؛ لنا موطئ قدم يابس في ساحة الوطن الخلفية، وبنا ما يشبه
القادمين للتو من أحلامهم وقد رأوا مادة الحلم الخام المرسومة بالأبيض والأسود تمدهم
بما افتقدوه من حاجة إلى البكاء.
نحن الآن، والحمد لله، عاديون
مكشوفون وجها لوجه أمام شمس السؤال
ومع كل الاحترام لرأى عادل الذى ذكرتيه الا أن
من يترك سامية تنتصر ساعات
هو في الحقيقة من ينتصر على سامية بل ويقامر على سلبيتها موقنا بعجزها عن أن تنتصر على الحقيقة
يؤلمنى أن أدافع عن ود حقيقي
فلم يصدر عنك الا كل ترحيب و تقدير ولكن
أكررها مرة أخرى مصدقا قدرتك على المثابرة
لك كل الود
فوزي
الود متقدر... ويا رب يتكرر
محمود درويش غلطان من يواجه الدبابة بمقلاع لن يكون أبدا عاديا
آخر عهدي به كشاعر الاعدادية وأيامها وطبعا ده كان في القرن الماضي...أقدر كل من بقي قادرا على قراءة الشعر...كان حبيبي لكن زمااان
Enta mosh ma3OOla. Wonderful funny post. Real life
This is my first time here. You put a smile on my face, Thanks
هههههههههه
بحب انا السمر
دا من احب هواياتي
بس مش بالطريقه دي
هههههههههههههههه
موضوع هايل يا استاذه
بجد عجبتني الحته دي
صدقيني كنت في سابع نومة معرفش ازي فتحت عيني لقيته بيبرقلي
بيبرقلك؟؟!! هو فيه سابق معرفة معرفش عنها
هههههههههههههههههههههههه
عارفه عامل زي ما يكون تيمون بيكلم بمبااااااااا
هههههههههههههههههههههه
تحياتي
ضحكتيني بجد ربنا يكرمك
بوست جامد موووووووووووووووووووووووووووووووووووت
بجد انا مش عارفة اعلق على اية ولا اية
بس تقريبا دة نفس الحوار الى بيحصل مع انتمتى انا موقف الصرصار دة كان ممكن يغم عليا واصوت واصحى البيت كلة انا بترعببب من الصراصير
وبصراحة انا كمان عايزة اتجوز :]:]:]
دكتور الجوهري
سعيدة أنك قادر على الضحك وسعيدة أيضا أني قادرة ارسم ابتسامة على وش الناس من حولي
اضحك محدش واخد منها حاجة ونصيحة تجنب ساعات نكدي
:)
لوما الأمورة
ومالك بتقوليها كده في آخر السطر بصوت واطي قولي يا عزيزتي القوالة لا باس بها ويا رب حد يأمن على كلماتنا وما أدراك تتجوزي قريبا وترجعي تقولي أنا بقيت شجاعة مش بخاف من الصراصير هي اللي تستحمل هم الجواز ممكن تخاف من صرصار
:)
أهلا بك ويا رب يرزق كل من يتمنى مناه فهو الكريم
عموما نعيش في زمن صعب أبسط حاجات الإنسان بقت أمنية:) وبنخاف من الصراصير يا ترى أهل الكواكب الأخرى بيقولوا علينا إيه
:)
منوارني
Post a Comment