لا يجوز نكش المكتئبين حراااام مساكين... وممكن نشوف أي كبير ومهم يفتيها يعني مش حكاية
بعد فشل محاولات انعاش المكتئب تقدم الموقع أدناه وأعلاه وفي خلقة جميع من صبحه ومساه بطلب بكاء رسمي للمرصد الجوي وما زال في انتظار الإذن
وفي حال السماح ستنهمر الدموع أنهارا وتلحق الضرر بكيانات واعتبارات أشرارا وأخيارا ....وتبقى المخدة بلا شك الكيان الأكثر تضررا بلا جدال وفي كل الأحوال تحتاج المخدة بعد كل اعصار لزمن كي تجف
الدموع المنهمرة ستغرق النجاح والفشل ففي الأعاصير تتساوى الأمور
يؤدي انهمار الدموع لتعطل معظم الوصلات الكهربائية والمجاملات الاجتماعية والمتع الملونة والعادية
ونتيجة لكثرة شكاوى المتضررين لشركات التأمين تحاول الأخيرة الضغط على مصادر القرار كي تمنع الإنهمار وأثناء الانتظار يسود المنطقة حالة من الاكفهرار من غائم إلى غائم جزئيا
وعلى فكرة من زمان وأنا نفسي أبقى مذيعة نشرة جوية
وعيشني ثواني وياك من ثاني .....اكتئابي حبيبي واحشني مووت
ملحوظة: محاولة للمقاومة لتأخر الإذن حاولنا تعلم فن السرور
43 comments:
السلام عليكم ورحمة الله وبركاته
لعلمك بقة أصعب أنواع الاكتئاب اللي بيكون صامت .. الباشا اللي بيكتئب ويعمل برق ورعد ومطر ده مش مكتئب .. دي بيكهرب الجو من حوله كي يستعطف من يراه وينال ما يعوضه عما به سواء من كلمات أو عواطف إن لم يكن أشياء مادية
أما المكتئب الحقيقي الأصلي اللي مش تايواني .. ده بقى بيسكت لا بينطق لا من فوق ولا من تحت ولا حد بيحس بيه ولا بيكون عايز حد يحس بيه أصلا
وده أصعب شيء .. لأنه غالبا بيطرشأ من جوه
ربنا يعافيكي ويعافي كل اللي تحبيهم من كل ضر وسوء
والسلام عليكم ورحمة الله وبركاته
ايه ده يا بنتي
انتي تعبتيني على ما قريت الكلام ده .. أنا حاسس ان انا جيت هنا غلط أصلا
انا عامله فكره جديده ويارب تعجبك
ياريت تقولى رايك فيها وماتنساش تشارك باى ذكرى عاوزاها
استفتح بيكى يعنى
تحياتى
اهلا بيكى نفسك تكتئبى حاضر انا باه بصدر الاكتئاب عقبال عندك كدا
بس احلى نشرة جوية شفتها فى حياتى
تحياتى ليكى
د. أحمد مراد
يا قلبي يا كتاكت يامانتا شايف وساكت
حتى الاكتئاب لازم يكون خفي
انا مش هشوت جامد عشان فرحانة بانشراح سعادتك
وعليه بقى يا سيدي كل حي حر في اكتئابه انا عشت سنين ساكتة مستكتر علي ساعة فيها أعبر
:(
darsh
إييه في إيه داخل تشخط ليه انت مش واخد بالك أني مكتئبة ولا إيه
ثم البوست معمول لتنشيط مهارة القراءة لدى صغار الطلبة عشان مينسوش القراءة في الاجازة الصيفية فيها حاجة دي
!!
لا مش غلط ولا حاجة المرة الجاية ابقى هات في ايدك نكتتين أو ورديتين
farfasha
رغم اكتئابي كسرت الانتظار ورحت لغاية عندك لقيتك بتنقي خيار من التعليقات جاني اكتئاب ثاني
:(
منورانا على طول يا رب
و حياتي بلاش انا كل ما ادخل مدونه الاقي اكتئاب هوه ايه الحكايه ده بداية السيزون بتاع الاكتئاب ..ما نمشيها فريحي و نرفع شعار مدونه خاليه من الاكتئاب ..انا رايح اكتئب في مدونتي
تحياتي
أن والأكتئاب توأم ولا عزاء للمفرفشين
إيه ده
مين اللى طفا النور
سكييييييينه الف الف الف مبروك
الاكتئاب سيد الاخلاق
.
.
ههههههههه
بصراحه بقولك كدا من غلبي
تقريبا انا كنت عايش مع اهل الكهف بقالي يومين سووووووود
ربنا لا يرحعهم
لكن اهه
الحياة بتعدي واهي ماشية
.
.
احب ابارك لك تاني
مبروك انضمامك في نادي المكتئبين العام
تحياتي
والسلام
تعيشي وتكتئبي
ma-3alin
تقصدي أحلى نشرة اكتئابية
ثم لاءه مرسي خالص انا مش نفسي اكتئب أنا نفسي بس أعبر عن اكتئابي ان شاء الله حتى بدمعتين ولكن أقولك إيه
أراني عصي الدمع شيمتي النكدو
Maksofa
أنا والله اللي مكسوفة منك أول مرة تنوريني تلاقيني معلناها اكتئاب
:(
عموما عزيزتي أنا كمان طول عمري والاكتئاب دايما أحباب لكن دايما بعافر وأقول لا مش ممكن وانا اكتئب أساسا على إيه يعني
قوم لقيت أن النساء أكثر اكتئابا من الرجال حول العالم بعدة أضعاف
يعني الحمد لله طلعنا احنا في التمام ادام مكتئبات عقبال يا رب ما نطمن عليك في الباقي بألف عافية
انتظار مؤقت
متخليك حلو امال أنا مش وقفت معاك في موضوع عضوية الحمير سندني شوية في اكتئابي
:)
أنا أساسا كانت خطتي الأولى للمدونة دي أن تقطر هما قصدي اكتئابا أصل كله زهق من اكتئابي قلت اطلع السطوح الفضائي اكتئب براحتي لقتني برضو العالم من حولي مش نقصاني فلميت الدور غالبا
ومن غير قرك والله لغاية النهاردة الإذن بانهمار الدموع لم يأتي دعواتك بقى
ياسر سليم
لا يا بابا محدش طفى النور هو انقطاع مفاجئ للتيار لازم حد جدع يبادر لإصلاحه ولو بدعوة في ظاهر الغيب
وما تخافش عندنا شموع كثيرة لو الحدوتة طولت
آدم المصري
طب أقولك إيه على النادي يا حبيبي ده أنا من المؤسسيسين الأول بتوع النادي وكمان من رعاة الأنشطة فيه
هي الأيام دول بين الناس من سره زمن ساءته أزمان
وفي النهاية أهديك أغنية فيروز لو اعرف اعمل لينكات كنت حطيتها على المدونة للجميع
أيام على البال بتعن وبتروح
وكل اكتئاب واحنا على الأخوة متعاهدين
:)
أبو أمك
منورنا بجد
ووشي منك في الأرض عشان أول زيارة لقيت الدنيا فيها ظلمة في حينا بس ولا يهمك غمة وتزول وزي ما قلت نعيش ونفتكر ونقول يااه فاكرين أيام زمان أيام الواحد ما كان عنده وقت يكتئب إيييه بجد كانت أيام لها طعم مختلف زي ساندوتشات المدارس
تعرفي احسن حاجة لما تزعلي او اي حد يكتئب هي الدموع
العياط بيفرغ شحنات الحزن و تلاقي روحك في نص العياط فجأة بطلتي
اه البطارية خلصت
و خلاص
ليه نمنع دموع ممكن تغسل قلوب؟
بس بجد كنتي حتبقى مذيعة زي السكر
:)
تحياتي
تعالي أقري أخر بوست قي مدونتي حاتضحكي أوي ويروح منك الأكتئاب
البوست بعنوان لو سألتك أنت مصري ؟؟؟؟
الي الاكتئااااااااااب سرررررررر انا متضامن معاكي في الاكتئاب و ياله نديها دموع للصبح حنغرق النت دموع و لا يهمك ...انتي فين جديدك مختفيه ليه لعل المانع مش اكتئاب
تحياتي
السلام عليكم ورحة الله وبركاته
لية كدة يا بنتى
اكتئاب؟؟؟
لية بس تقريبا دك احمد مراد افادك اوى فى التعريف
بس الاكتائاب او القلق عادة بيبقى لية سبب مبرر...
شئ قريب خايفة منة
دة عند الناس الطبيبعين المدرسين بقى الله اعلم
:)
لا ان شاء الله خير وتبقى فلة
بس ركزى مع حاجة جميلة سيبى الناس والقرف وسافر مصيف او اى حاجة كدة
اصعب مكان...عندما تعود الى بيت جمعك يوماً مع من تحب فلا تجد فيه غير الأطلال وبقايا عمر رحل ، وذكريات لن تعود
أصعب قصيدة...عندما يتجاوز الاحساس حدود الكلمات ويتدفق الدماء على ورق ويصبح الحبر دماً
تحياتى
اروع تعبير عن الملل والكاءبه احلى مافيه انه يخلو من الملل والكئابه
ممكن
لسه البوست الحزين ده
تحياتي
بالفعل أرشحك مذيعة لنشرة الاحوال الجوية في قناة شبه الجزيرة العالمية
يمكن يسود حالة جفاف بين المتباكيين..
و تصفو الاجواء بين المحبين... و تنقشع سحابة الحاسدين.
الدموع الغزيرة شماية غربية من الجهة القلبية... و ربنا يستر حتي لا تؤثر علي الحالو الدماغية.
مع تمنياتنا للمشاهدين بصفاء المشاعر وجفاف المدامع.
sampatek
متشكرة على نصيحتك لكن أديك شايفة أنا الدموع عندي حاجة هيلمان وغالبا مش بتبان وفعلا كنت اتمنى لو كانت دمعتي قريبة دي ولا استخراج الغاز الطبيعي
:)
طب أعمل إيه هي دي قسمتي اكتئاب عالناشف واحتمال يفيد في الريجيم
الغزالي باشا
اكتئاب المدرسين أوحش الأنواع
حاليا أنتم أحلى ما في ساعاتي
ناس لا تعرفني ولا أعرفها تتعب نفسها تكتبلي متزعليش
صدقني ده كفاية لكن غمة هتاخد وقتها وتغرق في قصص الحياة
تحياتي
momken
كل شيء في الدنيا ممكن يتحول لمصدر عذاب وألم
ومش ممكن نعيش الحياة دون ألم
ذكريات وبقايا عمر قد رحل أمور ممكن تجيب اكتئاب فعلا
تحياتي ومنور ساعتي
ياسر سليم
على عيني البوست الكئيب ولو عايزنا نرجع زي زمان قل للزمان ارجع يا زمان وكي أكون منطقية سأكتفي بأن تدعو لي في ظاهر الغيب
تحياتي أول النور ما يجي هديك ألو
الربان
يا سيادة الكابتن أنا غيرت رايي تقريبا في حكاية المذيعة ومستنية التشكيل الوزاري
المحبين مشغولين في حبهم والحاسدين مشغولين في غلهم ويا كبدي على المكتئبين لوحدهم
أهلا بك
لآآآآآآآ
ابوس ايديكي و صوبعينك
ان لسه خارج من اكتئاب استمر عشر اسبيع و يوم واحد
و لما رجعلي اللي بيحّيني, نزلت الريات السوده و هجيت من البلاعه و يسود مجالي الان حاله من الروقان
و مفيش في اليد حيله غير طلبلك العون و يبعد عنك العيون
سلام
البوست ما خلانيش اكتئب بس التعليقات فعلا كئيبه وخصوصا صاحبنا ممكن "بقايا عمر رحل " يا ترى ازاي ممكن نوقف الزمن ونمسك باللحظة اللي عاوزينها تستمر وخاصة في العمر اللي الذاكرة خانتنا فيه؟؟؟
backbone
عيني عليك باردة وانت داخل علينا كده بالبوس قلت اخطف رجلي أشوف إيه الحكاية لقيتك جاي من عند حبيبي البحر وعزيزي كوبري ستانلي
هنيالك يا عم باللي رق وحن واوعدنا يا رب اوعدنا
منورنا
tina
باين عليك كنت مدرسة صعب جدا إيه السؤال المعقد لإنسانة مكتئبة
:(
لو كان في العمر فعلا لحظات سعيدة مش محتاجين نمسك فيها دعسة رجليها هتفضل جوانا حتى بعد ما ننساها
وأوعدك أول ما أخف اكتب حاجة عن كيف تقيد الفرح على غرار قيد الفكر بالتدوين
بعد الاطلاع عن الجو العام اللى حدث بعد اذاعة النشرة فى اليوم التالى وجد ان الاكتئاب قد زال والحمد لله لكن الخسائر كانت فادحة
تم تغيير فرش السرير من كثرة الدموع
وتم تغيير الملابس من كثرة ما انهمر من العين والانف من ماء
وتم تغيير الاصحاب والاقران لانهم سابوكى تعيطى لوحدك
وطبعا مش معقولة بعد كل ده هيفضل الاكتئاب الا كانت هناك حسرة على ملاية السرير
تحياتى
سكينة
عاوزة تبقي مذيعة نشرة جوية .. تعالي عندي .. أنا في وسط الصحراء الجزائرية ..
هنا درجة الحرارة 57 .. أنا إللي قايسها بنفسي و الله ..
مش من حق أي حد منكم يتكلم عن الإكتئاب ..
إللي عايز يشوف الإكتئاب اللي علي أبوه ..
يشرف هنا يومين في "حاسي مسعود" ..
تحياتي
الطائر الحزين
وجود الأصحاب نعمة لا أجرؤ على أنكارها خوفا من زوالها
هم هناك في حياتي المادية وهنا في حياتي المعنوية
وجودهم يمنع انهمار الدموع ويشغلني عن انتظار الإذن ولو فقدت ملاية السرير صحابي أكيد هيراضوني
:)
أشكر لك كلماتك وزياراتك
salam,,,
to glimmerman,,
its good sometimes to be in desert to appriciate the civil life ,
i read your post :you are a perfect man for me , cooking is my weak point , i like someone to prepare my meals !!!!
glimmerman
منين بقى إن شاء الله لامع وإنت شغال في الشمس دي كلها؟؟ زمانك بقيت كحل ... في عيون جميلة
عموما مش كل الناس محتاجة تروح الصحراء الحارقة لأنها تحملها في جوفها
تحياتي وشكرا على مواساتي
السلام عليكم
اردت المواساه بطريقة قد تضفى عليك بعض السعادة مع ان اشعر بألمك ومرارة حديثك اعانك الله
سكينه
ممكن الواحد يشيل الصحرا جواه منين مايروح .. صح ..
لكن برضة لما تبقي الشمس بينها و بين الخلق طار بايت و مكشره و بتغل في نفسها و تطلعه علي دماغ أهاليهم .. حاجة تانية خالص.
مش عارف لية دايما بفتكر المنظر من فيلم الزوجة الثانية لما كان حمدي أحمد راكب الحمار و أخوه (مش فاكر إسمه) ماشي وراه حافي و بيتنطط وبيقول "ياه .. هو الأسفلت مولع ليه كده .. هو الكوبري ملهلب لية كده يا محمدأفندي"
هنا الدنيا كلها ملهلبة و هاتولع.
عارفة لما الحاجة تسخن و تلهلب و تتوهج و تطلع شرار .. أهو أنا كده .. عشان كده إسمي "رجل الوميض" .. إلحقيني يامه ..
أليوم ربيعي معتدل .. درجة الحرارة 55 بس !!
تحياتي
دماغي ساحت و الأفلام دخلت علي بعضها .. قصدي فيلم الأرض .. لا موأخذه
تحياتي
وبعدين بقه انتي فيييين كل ده اكتئاب كفايه كده الشهر ده و نرجع كمان شهر نكمل ..فين الجديد
تحياتي
السلام عليكم
يا مساء الاكتئاب ليه يا بنتى
بس متهيقلى زى ما قال احمد مراد الاكتئاب انك تقعد فى جنب كده مع نفسك لغايه لما معدتك تتفرتك وقلبك يوجعك ويجيلك هبوط فى الدوره الدمويه
بس الاحسن طبعا زى ما انتى قولتى اننا نبكى على قد ما نقدر
وارجمينا ونشوف حاجه كويسه ان شاء الله
فعلا أختى انا أتفق مع أخى أحمد مراد
الإكتئاب هو الحزن فى صمت
وليس أكثر
ولكن لما الإكتئاب
انا عن نفسى لما أحس انى متئب بأعمل ريفريش لنفسى
يعنى مثلا اشوف انا بحب ايه و اعمله
وقبل كل ده
آخد نفس عميق وأطلعه مع كلمة ياااااااااااااااااااااااارب
وأدعوه وهو بيستجيب لى
Post a Comment