آخر حاجة كنت أتصور نفسي أكتب عنها الحب وعيد الحب خصوصا لكن للضرورة أحكام
كل ما أدخل حتة ألاقي صحابي بائسين من قصص حبهم
ولأني بحبهم قررت أشاركهم خبرتي في عيد الحب عشان يعرفوا حالة حد من غير حب ولا حتى تاريخي في حياته
بدأ نهاري برسالة على هاتفي من صديقتي بكلمات كتبتها كل سنة وأنت عيد للحب يا ..اسم الدلع المخصوص مش للنشر
هي فاكرة أني طيبة في الحقيقة هي اللي طيبة وفاكراني شبهها
ثاني رسالة كانت برضو من صديقتي الأنتيم كما يلي
بمناسبة عيد الحب وإلى كل الوحيدين والمحرومين والمتحسرين على أعمارهم أقول
يا شماتة أبلة ظاظا فيكم كلكم
:))
هي عارفة أن التحدي هو دافعي للحياة
وصلتني رسائل من مجرد معارف يشكروا برضوا فكروا يبعدوا وحش الوحدة عني ولو بضوء شمعة
المهم كنت عايزة أقول
لكل من زرته اليوم ووجدته متوجعا متألما بنار الشوق واشواك البعد والقمص
يا جماعة تعالوا على نفسكم شوية
لو محدش من اللي بتفكروا فيهم رق وحن يبقى أكيد مش هو الحب
عارفين الحب في نظري إيه
زي كده بالضبط
الحب الحقيقي أما تلاقي حد يرحم ضعفك ويعاملك برقة وحنية وساعتها يبقى بعيد أو قريب فاكرك ولا ناسيك مش تفرق كثير ولو من غير رحمة يبقى ساعتها أكيد إنذار خاطئ
4 comments:
الـــلــــه
عجبنى كلامك اوى على فكرة
الحب الحقيقى لما تلاقى حد يرحم ضعفك
احنا جينا الدنيا دى علشان ندرو عليه
الحب الحقيقى
ويا رب كل واحد مننا يلاقيه بجد
يا ستى صحاك جدعان وافتكروكى برسايل
انا بقى محدش فيهم عبرنى
:D
اهو ده اللى بيخلى الواحد يدور عالحب بقى
انه يلاقى حد يشاركه كل لحظاته
مدونتك كمان حلوة ااوى
واعتبرينى يا ستى زبون مستمر
دائم
:)
سلام يا سكينه. كلامك حلو بس ارتبط يوم الحب بوجود الشريك (ومش بالحب عامة) لذلك اللي بيمر عليه اليوم وهو وحيد بيتذكر خيباته في الحياه وخيبته في الحب وانه ما قدرش يلاقي نصفه الثاني . وكتير من الاحيان بنفكر انه احنا السبب او انه الغلط فينا حتى تفوت السنين واعياد الحب ومحدش معبرنا. انا اتمنى انه في عيد الحب السنه الجاية انا وصاحباتي وكل اللي مثلنا يلاقي مين يهديه وردة حمرا.
الحب الحقيقي أما تلاقي حد يرحم ضعفك ويعاملك برقة وحنية وساعتها يبقى بعيد أو قريب فاكرك ولا ناسيك مش تفرق كثير ولو من غير رحمة يبقى ساعتها أكيد إنذار خاطئ
كلام جميل جداا تسلمى ومشكورة علية واتفق معاكى فى كل حرف
تحياتى
zordeak
الحقيقة احنا جينا مش بخطرنا خالص لكن الحب يجعل الحياة اسهل نوعا ما وأحلى كثيييييير
قد يكون البحث عن الحب كالبحث عن الكنز لا تعرف بالتأكيد إن كنت ستجده أو أين ستجده ولعل الخطوة الكبيرة التي ستقربك من كنزك تكون غدا
يا رب فعلا كل الناس تحب وتتحب يعني تنول كل ما تتمنى
حب صحابي يهون علي المسير في الحياة وحبي لهم يكون دافعي في الحياة أحيانا أخرى
يسعدني اعجابك بجناني المكتوب وأهلا بك على طول
tina
اللهم آمين يا رب تتحقق أمانيك
لكن وجود البعض بلا شريك أو نصف آخر كما تقولين قد يكون لأنهم ذوات مكتملة باستقلالية لا تحتمل التكميل
:)
فاكرة الأغنية رايح اجيب الديب من ديله وإن مقدرتش أجيبه هسيبه وأرجع أقول ملقتلوش ديل
إن لم يجدنا نصفنا الآخر ليس لعيب فينا ولكنه ببساطة مش موجود
وعموما أنا مش بحب اللون الأحمر
tamer
تسعدني زيارتك وموافقتك لهلفتطي الفكرية وتلحوسي العقلي
وعلى كده هتزوني هناك عندما يضيق من حولي بجناني
لك مثل تحياتك تحيات كثييييييييير
منورنا يا مرعب الحر
:)
Post a Comment