في صغري كنت أكره الامتحانات السهلة!!! آه والله وأخرج منها ضائقة الصدر كارهة للمتحنة
زمان وليس الآن فبعد النضج واللحوسة في أعتاب الحياة عرفت أن الله حق وتعلمت أن أفرح بالامتحانات السهلة
لكن لعنة الامتحانات الصعبة أصبحت تطاردني وتحاصرني وأتمنى وصفة للفكاك منها ينوبكم ثواب
آخر امتحان تعرضت له أول مبارح إحدى الطالبات جاءتني تشكو ...يا ليتها اشتكت من الدرجات.....ولا من كثرة الواجبات....جاءت تشكو تحرش أحد الإداريين بها!!!! لماذا اختارتني محدش يسألني أنا أصلا مش مدرستها لكن هو نصيبي من الامتحانات الصعبة!!!! رجل متزوج وأب ماذا يريد من حائرة بين الطفولة والشباب؟؟ أكذب إن قلت أني أحبه ولكني نادرا ما أحب ولكني أجد صعوبة في التصديق.... ولا استطيع تكذيبها تماما لأن الشيطان تبرئ من شرور إنسان هذا الزمان وتحول إلى تلميذ صغير في فصوله
ماذا أفعل؟؟؟ لا أستطيع السكوت وكأني لم أسمع...... ماذا أفعل في الساعة دي
زمان وليس الآن فبعد النضج واللحوسة في أعتاب الحياة عرفت أن الله حق وتعلمت أن أفرح بالامتحانات السهلة
لكن لعنة الامتحانات الصعبة أصبحت تطاردني وتحاصرني وأتمنى وصفة للفكاك منها ينوبكم ثواب
آخر امتحان تعرضت له أول مبارح إحدى الطالبات جاءتني تشكو ...يا ليتها اشتكت من الدرجات.....ولا من كثرة الواجبات....جاءت تشكو تحرش أحد الإداريين بها!!!! لماذا اختارتني محدش يسألني أنا أصلا مش مدرستها لكن هو نصيبي من الامتحانات الصعبة!!!! رجل متزوج وأب ماذا يريد من حائرة بين الطفولة والشباب؟؟ أكذب إن قلت أني أحبه ولكني نادرا ما أحب ولكني أجد صعوبة في التصديق.... ولا استطيع تكذيبها تماما لأن الشيطان تبرئ من شرور إنسان هذا الزمان وتحول إلى تلميذ صغير في فصوله
ماذا أفعل؟؟؟ لا أستطيع السكوت وكأني لم أسمع...... ماذا أفعل في الساعة دي
18 comments:
اتزنقتي انتي كدة في خانة اليك...بس نصيحة متتجاهليش كلامها وحاولي انك تتحققي منه ولو بطريقة غير مباشرة...وبطريقة غير مباشرة دي علشان تتفادي نتايج ممكن متكونش لطيفة خصوصا انه معاكي في الشغل
بجد بجد انتي في موقف صعب قوي ومتمناش اكون في مكانك
بس لو كلامها طلع صح الراجل ده لازم يتشرح علشان المفروض ان مسؤليته تجاها مضاعفة لانه معلم..خلى ايه بقى للرجالة التانية
توكلي على الله وخدي موقف ايجابي ولو طلعت بتكذب طلعي الفلكة من المخزن بقى وامرك لله :)
سلام يا سكينة .. انا مع الموقف الايجابي ، من جهة ممكن تكون الطالبة بتبالغ بس من جهة اخرى لازم تلاقي طريقة غير مباشرة للتأكد لانه لو كان كلامها صح وما تدخلتيش ممكن هذا المدرس يتمادى معها او مع غيرها ويستغل حاجة اي طالبة للعلامات او للدعم بشكل سيء
تحياتي
ايه الهنا اللي احنا فيه
3 بوستات ورا بعض؟؟؟
الله يبارك لك.. ويعطيك الدافعية
تحياتي
خليها لو الامر تكرر معها
لا تسكت وتتكلم معه بصوت عالى
لان هذا الامر يصعب اثباتة
امتحا صعب فعلا
خدى عندك يا ستى الصعب
اللهم ارزقك الحكمة وفصل الخطاب
تحياتى
دورت في البوست على سؤال اعرفه..ما لقيت
محتار ياكلني الندم..عشان اتخبلت وجيت
غمضت عيني وزي الضرير رديت
لو كان دمعي حاضر ومنشفشي بقى له زمان
لرميت دماغي على الامتحان..وبكيت
مسروق بتصرف
الراجل المتخلف ده فى منه كتيييير أوى واللى زيه بستاهل ينضرب بالشبشب على وشه ويتفضح فضيحة المتطاهر يوم طلوعه ع المعاش .
وحشتنى بوستاتك ياسوسكا .... تحياتى .
انتى فى موقف صعب بس لازم تتاكدى الاول من كلام البنت علشان متعمليش شوشرة على سمعة الراجل و ممكن يكون برى
و ربنا يستر علينا
شوفى والله موقفك صعب
بس انا من وجهة نظرى المتواضعة ابعتى هاتى مامتها وكلميها وحطى احتمال واحد فى المليون ان البنت ممكن يكون كلامها مش تمام
وخلى مامتها تكون فى الصورة احسن ما تتزنقى انتى فى الموضوع
وتحياااااااااتى
صعدي الموضوع رسميا
أرجو الا تتنازلي عن حق تلك البريئه أبدا
لو كان فعلا عمل كدة يستحق قطع رقبتة
بس خللي بالك لاتكون البنت بتكذب
اتأكدي الاول و شوفي طريقة بس عن غير طريق البنت دي
لأن ممكن البنت تمون بترمي بلاها علية و تكون عاملالة مكيدة يعني ممكن هي تعرض نفسها علية و تديلة ميعاد و تقولك علية و تبقى حبكت مكيدة للراجل
معلش انا باقولك كدة لأني من شهرين كان منصوبلي موقف شبية من بنت حقودة عندي في الشغل البنت عرضت نفسها عليا بدل المرة تلاتة و لما صديتها و بعدت عنها و رفضت مواعدتها كتبت شكوي فيا لإدارة الشكرة ان انا باتحرش بيها و باطلب منها تستجيب لرغباتي و لما هي رفضت انا بقيت باقرفها في الشغل ودة في الاساس عكس الحقيقة 100% وبالاضافة انها كانت اساسا بتعمل كدة علشان عاوزة تترقي ومع العلم انها اصلا بينها و بين مدير في الشركة علاقة مش تمام و ناس كتير عارفين كدة برضة
المهم انا الحمد لله ربنا نجاني من المكيدة و برأني منها و البنت اتفصلت بسبب عمايلها
المقصود انك للي بالك كويس لا تظلمي الراجل
لأن سهل قوي اي واحدة ترمي بلاها على و احد و تكون هي شيطانة و هو رفضها و رفض الرزيلة فتدبر لة مكيدة
و حسبنا الله و نعم الوكيل
تحياتي و ربنا معاكي و طمنينا اية اللي تم
بييسوو
أنا عملت كده فعلا وبدأت أعسس وراه وفوق همي بقيت مشغولة
عارفة المشكلة فين؟؟معنديش فلكة وعمري ما استخدمتها
tina
هو فعلا مفهمها أن الدرجات كلها في ايده
:(
فتوش
شاكرة حماسك لبوستات ساعاتي
الطائر الحزين
ما أنا حرمت أحب الصعب تعبت فعلا لكن الظاهر إن الصعب بقى حاططني في دماغه
فعلا طلبت منها تسجيل على الموبايل لكن لم يكن الصوت واضحا وطبعا لا أستطيع أن استخدمه ضده
أبو أمك
ردك وأنت مغمض العينين كان له فايدة فضلت يومين عندي نفس الرغبة وزيك برضو لقيت دمعي نشف من عمايل الزمان
وعمرك ما تندم على شيء الحياة أقصر من أن تحتمل الندم
shark
بس هو لسه بدري شوية على المعاش
مش هدفي أفضحه أبدا بقدر احمي أكبر عدد من البنات حواليه
ma 3alin
غريبة شك البنات في صدق الشكوى وثقة الشباب فيها
الموقف محزن ومؤلم لو فقدنا تعاطف الضعفاء مع بعض
فضفضة
المشكلة لو علاقة البنت بأمها جيدة لما لجأت إلي ولاحظي هي ليست أحد طالبالتي ولكن الظاهر بقيت معروفة إني صاحبة المشاكل
واحتمال طبعا أكون كذلك طول عمري وأنا مش واخدة بالي
شاكرة على الزيارة والمشاركة واجعليها بعادة الله يخليكي
أنا انسان
مش ناوية أسكت وفعلا مش ساكتة لكن المشكلة عشان أدافع عنها لازم توافق أنها تتكلم قدام غيري والخوف زي ما انت عارف أصبح القيمة الأعلى في التربية
:(
الحصان الأسود
شكرا على مشاركتك لنا تجربتك الموجعة لكن سبحان الله رب ضارة نافعة ربنا صرفها عنك وريحك من مندوبة أبليس بأهون الأسباب
لاحظ لو أنا قلت عليه حاجة أسهل حاجة يقول عانس حقود وأنا اي نعم عانس لكن بكل فخر
ياااااااااه حاجة صعبه
حاولي تتأكدي
لو اتأكدتي متسكتيش
تحياااااااتي
وربنا يعينك
Post a Comment