الصور تأسرني بطريقة لم أعهدها في نفسي من قبل احتمال تكون تغيرات السن محدش يضحك ولا يهز دماغه واحتمال تطور تقنيات التصويرمع الصورة تعليق يقول لقطة تجمع الحب والصداقة........ احتمال الكلمات هي ما شغلتني أكثر من الصورة وربما اجتماعهما
صديق يتعلق من عرقوبه كي يسمح لصديقه تقديم وردة لمحبوب والوردة لدى السنجاب ليست طعام فالموضوع حالة حب أو والعياذ بالله رشوة
كم نجد مثل هذه الفكرة والمحاولة في حياتنا؟؟ هل ساعدت عاشقا؟ هل تعاطفت مع قلب كسير؟؟
نحن قساة في الغالب ونقول اسعى في جنازة ولا تسعى في جوازة مع أن الجنازة نهاية لا تحتاج لمساعدة بينما الجوازة بداية تحتاج المساندة
الصورة فكرتني بالأية الكريمة" إن يريدا إصلاحا يوفق الله بينهما" في الحديث عن حكمين من أهلهما وافتكرت سيدنا عمر رضي الله عنه لما ضرب الحكمين لسوء نيتهم فلو أردا إصلاحا لوفق الله بينهما ......إيه أيام ما كان هناك ثوابت في الفكر والعقيدة ولم تكن الدنيا ترقص وتتراقص والمبادئ نسبية.....إيه أيام رفاعة الطهطاوي وقاسم أمين وطه حسين
يا رب استخدمنا لوصل القلوب واجعلنا سببا في سعادة البعض.... يا ريت حد يشاركنا في محاولاته وسعيه في سياسة الوفاق
19 comments:
كلنا ياسوسكا مستنيين ساعة أمل أو حتى عمر جميل اوى اننا نلاقى اصحاب يحبونا ونحبهم يخافوا علينا ونخاف عليهم نلاقيهم وقت الشده ووقت الفرج فى ظل ظروف الحياة المهببه بهباب ازرق
برضه لازم تحطى صورة سنجاب اوافعى مش عارف
بس الصراحه يعنى هى صوره بتجذب جامد وتحمل معانى كتير
انتى فين من زمان
يارب تكونى بخير
تحياتى وسلام
سلام،،،
الصورة حلوة بس مع التعليق بقت احلى، الناس الايام دي عندها لا ابالية شديدة مش مستعدة ولا تمشي بجوازة ولا تمشي في جنازة ولا حتى في اغاثة للمضطر الملهوف، ومرات بيكون الخوف من العواقب، ما اسهل قول "الله يجازي اللي كان السبب" وما عمرناش سمعنا "جزاه الله خير اللي كان السبب" .
shark
كلنا؟؟؟بجد!!!تصدق يا أحمد أنا كنت فاكرة أنا بس اللي كده
متشكرة جدا على الإضافة والتوضيح طول عمري كنت عايزة أعرف إيه لون الهباب...هو بجد أزرق!!طب على كده حلو واحنا الوحشين عشان مش بنحبه
:)
لا تتعب نفسك في البحث عن أصدقاء مخلصين فأنت قد حللت أهلا يا بني ولا أنت شايف غير كده
محمد جادو
أنا محتاجة لأن أوجه طاقتي لغاية سامية مع أني مسبقش تعرفت علي سامية دي فأنا من الناس المحبة جدا للحيوانات وده بجد من غير هزار...معها تجد الوضوح والبساطة
أنا موجودة لكن معنديش كلام أقوله غير متزعلش أنك قلت لصحابك عن مدونتك بالعكس دي فرصة أنهم يعرفوا عنك أكثر وخواتي عارفين المدونة وواحدة من صحابي لما أديتها اللينك قالت لا انت بتهزري مستحيل اللي بتقول الكلام ده تبقى أنت !!!قال إيه قال أنا أعقل من كده وهو أنا ايه اللي جابني ورا في اخر الطابور غير عقلي اللي بحاول اسيحه في المدونة
:)
عمرك ما تخاصم نفسك من كلام الناس ممكن تخاصمهم هم وتلاقي ناس جديدة تفهمك وتحترم اختلافك معهم
يع يع يع
عجبك كده اديني برد بعقل منك لله يا جادو
منورنا
تينا
الناس تعبانة لأنها سلبية ربنا خلق الإنسان ليعمل ويقول ويهرتل ولو غلط ممكن يستغفر
:)
لكن الوقوف مكانك سر متعب للعامود الفقري بعكس الحركة
:)
مش لازم نسمع جزاه الله خيرا ممكن نصبر نفسنا باعمل الخير وارميه البحر ثم ربنا لا يحاسبنا بالنتيجة ولكن بالنوايا والنوايا أكيد حلوة ولا أنت شايفة غير كده
ربنا يدينا القدرة علي التحمل
افضل شىء هو ادخال السرور على قلب حزين
قضاء الحوائج لمن حولنا
فكرت فى هذا الاتجاة
سندباد
اللهم أمين يا سندباد الحياة كلها رحلة تحتاج منا ترديد جزء من دعاء السفر اللهم اطوى عنه بعده اللهم انا نعوذ بك من وعثاء السفر ومن كآبة المنظر ومن سوء المنقلب
سنستعن بالله ولن نعجز
الطائر الحزين
الحقيقة لم يخطر على بالي قولك رغم صحته
:)
ولنتذكر كل الاحاديث الشريفة بأن السعي في حاجة العباد عبادة وأن السهر على قضاء حاجات العباد يفوق أجر القيام
مممممم
لكن كلمة للتاريخ والحق أننا تعودنا الوحدة والاستوحاد فما عدنا قادرين في كثير من الأحيان قبول مساعدة الغير بل نجور أحيانا عليهم ونقول إيه الحشرية دي...معلش نرجو ان يسامحونا ولا يتوقفوا عن مساعدتنا وأجرهم كما ذكرت على الله
تحياتي
على فكره انا مررت ليكى تاج
تبقى تجاوبى عليه وماتهربيش منه
وسلام
مع أن الجنازة نهاية لا تحتاج لمساعدة بينما الجوازة بداية تحتاج المساندة
هكذا نحن .. كثيرا نرى نقطة النهاية ولا نرى الطريق إليها
معتقدين أن نقطة النهاية وحدها تكفي
ولكننا في أمس الحاجة أن نبدأ جميعا .. معا
سعيد إني اتعرفت على هذه المدونة
ده بعد إذنك
Very nice post Sakina. I will be a regular reader, you already pulled my leg
محمد جادو
مش أنا اللي اهرب مش أنا اللي أبكي
وبالتأكيد مش أنا اللي أطنش التاجات
:)
فقط بعض العطلة مع وسائل الاتصال ومن بعدها عنيا حاضر
علوة
عمر الحب ما بيكون زيادة عن اللازم
حب الحياة على قد ما تقدر لأنها نعمة من الله تستحق التقدير والحب أسمى أشكال التقدير
تسعدني زيارتك ورفقتك لنا في ساعاتنا واحنا برضك هنكون جنب الشباك
تحياتي
هي وهو
فكرتني بتتر أغنية سعاد حسني واحمد زكي
هو الأول سيد البيت هي الأول ده الأتيكيت
ادام الأولى بقت عندنا انقل الأخرى حرصا على سلامة عمود سيادتك الفقري
نسعد بالآخرين دائما وإن كانوا حتى غير أغنياء
جميلة ساعاتك سكينه
تحياتى
حلوه الفلفسة دي
ههههههههههه
تحياتي
فكر عالي واسلوب ممتاز
وموضوع تريه فانتاستيك
تحياتي واستمري
علي فكره المفروض تعدي علي مدونتي الصغنونة كده جدعنه يعني
صورة حلوة بجد يا ريت احنا نساعد بعض زيهم
كل سنة وانتى طيبة
Post a Comment