لو عايز تشوفني غمض عينك تشوفني
أديني سهلتها عليكم خالص هتشوفني من غير ما تغمض عينك هو أنا لسه هتعبكم معايا غمض عينك وفتح عينك واحنا آخر الإسبوع
ومعظمنا جايب جاز يا من تعب الشغل يا من الوقت اللي بيمر من غير شغل أو في البحث عن شغل
الصورة دي تعبير حي يصفني بمنتهى الشفافية في نهاية الإسبوع
في الاصل شيك وحلو ولكن في نهاية الإسبوع متعاص ومتلحوس مش في الطبق لكن في الحياة
إلى كل المتلحوسين من الشغل أجازة سعيدة إن شاء الله
يعني من غير زيارات ولا طبيخ ولا غسيل ولا تصحيح متأخر ولا حتى مفاجأة من نوع يا ما جاب الغراب لأمه
:)
اجازة من بتوع تتمتطع في السرير لابس البيجاما طول النهار وكيس شيبسي يونسك
11 comments:
مشكووور أرجو منك ومن جميع الزوار موقعك زيارة موقع أكلاتى www.akalaty.com ويقوموا بإرسات أكلاتهم المميزه على الموقع وتمتعوا أيضا بقائمة الوصفات الموجوده به
تمام و الله
هو فى زى الاجازه و حلاوة الاجازه
الواحد من اول ماييجى يوم الاحد و هو بيقول امتى ييجى يوم الخميس
:)
مع ان بردو ساعات بيطلع فى الاجازه مشاوير من تحت الارض
انما برده احسن من الشغل
تحياتى
و ابقى تعالى
اموت في المرطئة و التمطيع في البيت في الويك اند
ارتاحي
تحياتي
فعلا....بننتظر عطلة نهاية الاسبوع بفروغ صبر..... و دائما احرص علي الا ارتبط باي مواعيد ....او ارتباط ..الا للضرورة القصوي... و احاول الا يكون لي برنامج محدد...
تحياتي
أيها المجهول نشكر لك دعوتك
لكن عندي سؤال لو ممكن
مين اللي هيطبخ الأكلات الي بتقول عليها
؟؟؟
انت مخدتش بالك أنا طول الإسبوع في الشغل وفي نهاية الإسبوع عايزة أناااااااام
ويبقى السؤال
shower-mirror
متقوليش على المشاوير إياها يا مراية
هاين علي والنعمة أعيط لكن مفيش كلينكس وأنا لابسة من غير كوم
هي المشاوير إياها بتشم ريحة نهاية الإسبوع ازي معرفش
؟؟؟؟
في زحمة الإسبوع هتقول مشاور زايد أو نقاص متفرقش لكن ماذا أقول لك في مشاوير نهاية الإسبوع
برضو دموووووع دموووووع
ومستنية البوست اللي وعدتني بيه
خليك فاكر
طهقانة
منوارني
هقولك إيه يا عزيزتي مهو كله على يدك ومذكور في مدونتك فالكلام الي فيها أبلغ وأكثر إيلاما من أني اعلق عليه
تصدقي ما لقيت وقت آكل الشيبسي اللي شريته مخصوووووص عشان كان فيه أمل ان الإجازة دي هتكون أفضل من اللي فاتت
قوووم إيه مشاوير عزاء على مسافرين مفاجئين وفرصة نشوفك وتاخدينا مش انت اجازة
:(((
ألف حمد الله على السلامة بحبكم بس مش يوم الأجازة
الربان
انت عارف هيا الحكاية معايا مش مضبطة أبداا
هستفيد من خبرتك في قيادة سفينة الإجازة
إن كان الخطط أنا بحاول بجد ولكن أنت عارف تأتي الرياح بما لا تشتهي السفن
لما كنت عيلة كانت البرامج طبعا مرسومة من السلطات العليا
قوم أما كبرت بقت مرسومة بقيود اجتماعية
بحلم بإجازة نهاية اسبوع حقيقية على البحر وشوية شاي وحبة لب
وعموما يعني لو بطلنا نحلم نموت ولو حققنا احلامنا هنستنى إيه
:)
أشكرك
التغير مطلوب
الرتين يخنق بجد
تحياتى
طبعا الاجازة مفيش احلى منها
يااااااااااااااه
اجازات سعيدة دايما ان شاء الله
سلام :)
tamer nabil
مش عارفة ليه كل حاجة بقت بتخنق مش بس الروتين وعشان كده أحلى حاجة تطلع بيومين من غير تخطيط
:)
ba7er
أنا بقول دايما أن أحلى حاجة في الشغل هيا الإجازة أحلى حتى من يوم المهية
:)
منوراني ومش عارفة ليه في اعتقادي أن البحر ده واحدة مش واحد مع أن البحر لغويا مذكر
:)
ba7er
أنا قلت أتمشى لحد الشط أتعرف على البحر لقيته في حالة جذر
:)
ومتعرفتش بالبحر لكني هفضل شوية على الشط
الحقيقة موضوعات البلوج كلها جميلة
ها تكلم من زاوية تانيه خالص
ساعات كسر الشئ الاعتيادي بيقى جميل
لحوسة
ساعات أحب اللحوسة لما بتبقى
لحوسة في طبق
لحوسة على الأصابع
لحوسة على الشفايف
وفي لحوسة ما حبهاش
لحوسة في الكلام
لحوسة في المواقف
لحوسة في اللي كان
أتمنى تشريفك لي في مدونتي
هاتنور بزيارتك ليها
دعوة لزيارة مدونة شاعر تستحق الزيارة
http://mosaiiic.blogspot.com/
Post a Comment