عارفين عندما ينتهي النهار وأنت لسه ما عملتش الواجب!!!!
ينتابك وتتنازعك أحاسيس سخيفة ومتناقضة
بعضك يريد الهروب للنوم
وبعضك يخشى النوم مدافعة لمجئ الغد
وعلى رأي الي قالت خايفة من بكرة والي ح يجرى
وقد تسألني والواجب ما تعملش ليه
؟؟؟!!!!
لتعرفوا سبب كراهيتي للتعليم وسنينه
مهو لو كنت عرفت اعمله كنت عملته وخلصت
والتقطيم والتوبيخ بالنحوي لن يجدي نفعا بعد انسكاب اللبن وانقضاء الوقت المحدد لعمل الواجب
حاولت أعمله مش هقول ما حاولتش
لكن أعمل إيه ما تعملش
نفكر في حجة وأقوى الحجج التي عدت من أمامي والحمد لله أن دماغي خزنها في تهنيكة من إياهم طلع ليها عوزة
خلينا في الحجج
كان عندي صداع: والله هذا صحيح كان صداع صعب وما زال وأرجو ألا يبقى
نسيت أن موعد التقديم اليوم: بس أنا ما نسيتش وخسارة ثمن الحديد الي سلفته من أختي على سبيل التجربة
الفلاشة كانت مهنكة: بس المفروض الواجب يتبعت إيميل
سحبته على ورق لكن نسيته تحت الشنطة
كنت هاجيب نسخة ورقية لكن الحبر خلص فجأة
تاهت ولقيتهاااامكانش عندي نت: الخطوط بتقطع طول الوقت كثير ياما اشمعنى النهادرة لاءه
كما ترون الأفكار تجري كالماء عند البحث عن حجج فلماذا تعاندي الكلمات والأفكار في كتابة الواجب
والواجب لسه يا جماعة ما تعملش
غطوووووني...... والتزموا الصمت
هنام والي يجرى بقى يجرى
9 comments:
والله زمان يا سكينة.. بس حبيت اقولك انه امتع الاوقات لما يكون عندك واجب لانه بيجو الضيوف وبتكثر المشاوير وتنهال الاشغال على راسك وبتنسي الفراغ والملل حتى التلفزيون بيعرض افلام حلوة ...
تحياتي
تينا
ههههههههههههههههههههههه
من نام وارتاح نااااااااااال النجاح
دى ساعة الواجب ولا ساعة الزوغان
من حق هو ليه لازم نعرف نعمل الواجب مش يمكن ليست عندنا القدرة لحله لو كان واجب مدرسى او ليس عندنا القدرة لعملة لسماتنا الشخصية
ألمهم نحاول نعملة
دى ساعة الواجب ولا ساعة الزوغان
من حق هو ليه لازم نعرف نعمل الواجب مش يمكن ليست عندنا القدرة لحله لو كان واجب مدرسى او ليس عندنا القدرة لعملة لسماتنا الشخصية
ألمهم نحاول نعملة
تينا
أيوه طبعا كلامك صحيح
فالعمل أو الواجب جزء من الدنيا وكلنا عارفين أنها عندما تقبل عليك تاخدك بالأحضان فتصبح فجأة كلك على بعضك حلو
:)
Aboali
يحدث أن تنال النجاح بعد ما تنام فقط إن كنت أبو علي
:)
الناس العادية كحالي تستيقظ بشعور مر في الحلق وراننج نوز مع تحرك ذكرى أن الواجب لسه ما تعملش
الطائر الحزين
حضرتك مهو الزوغان يصبح ي لحظة ما هو الواجب مهو أصل الواجبات أنواع وكثيرة طبعااااااا
:)
ومن أشهر واجبات المدارس واجب القدرة وده مش مشكلة خد عمري كله عشان تعمله أما واجبات المهارة تكون قيمتها في انجازها في وقت محدد وعندما ينتهي هذا الوقت تكون قد حانت ساعة الزوغان
:)
ربنا الرحمن الرحيم هو من يقدر لنا سعينا ونوايانا لكن الناس في الحياة ما بترحمش
أعلق ولا أسكت ؟
ياسر سليم
طبعا تتكلم لأن ساعات السكينة فيها بتكلم بعد ما أزهق من السكوت
:)
عموما يمكن اعتبار سؤالك كلام
أهلا بك
:)
Post a Comment